Фемида Торак инспекциясенең дәгъвасын казанлылар файдасына хуплады
«Восстания урамы, 58А йорт» торак милекчеләре ширкәте белән өч еллык эпопея Татарстан Торак инспекциясе файдасына тәмамланды. Барлык дәлилләрне тыңлап бетергәч, Фемида инспекторлар көрәшкән карарны чыгарды: вентканалларны һәм төтен чыгару юлларын техник яктан төзек хәлдә тотарга мәҗбүр итәргә, төтен чыгару юлларын каплап торучы кирпеч өемнәренең өлешчә җимерелүен бетерергә.
Восстание урамындагы 60 нчы йорт фатирлары милекчеләре Инспекциягә ярдәм сорап мөрәҗәгать иттеләр. Тикшерү нәтиҗәсендә ачыкланганча, йорт түбәсендә берничә фатир өстендә урнашкан төтен чыгару каналларының (тышкы башлыкларының) чыгу урыннары дымлана. Төтен юллары һәм вентканалларның зарарлануы һәм аларны алга таба эксплаутацияләү халык өчен куркынычсыз түгел. Авария, газ яки бәхетсезлек очрагы барлыкка килүе бар.
Берничә фатир милекчеләренең газын сүндергәннәр. Инспекция яңадан тикшерүләр белән чыкты. Торак милекчеләре ширкәте рәисе тикшерүләр үткәрүне бозды, төрле сәбәпләр аркасында килмәде. Инспекция судка мөрәҗәгать итте. Монда да барысы да тыныч кына үтмәде: торак милекчеләре ширкәте рәисенең расламалары гел үзгәреп торды.
Башта ул суд экспертизасын уздыруга «каршы» килде, аннары аны уздыруны таләп итте, чөнки ДТИ таләпләре «законлы түгел, барлык күрсәтмәләр дә бетерелгән», дип әйтте. Аннары тагын каршы чыкты. Дәгъвачы таләпләрне әле таныды, әле баш тартты.
Җавап бирүченең каршылыклы һәм эзлекле булмаган үз-үзен тотышы Гражданлык кодексының 1 һәм 10 статьялары һәм venire contra factum proprium кагыйдәсенә эләкте (беркем дә үзенең алдагы үз-үзен тотышына каршы килә алмый) – закон мондый хәлне кичерми. Үз йөкләмәләрен үтәмәү кебек үк.
Суд карары ТМШ рәисен барлык хокук бозуларны бетерергә мәҗбүр итте. Үтәми икән, вакыты чыккан һәр көн өчен 500 сум күләмендә неустойка түләргә туры киләчәк. Һәм барыбер төтен юллыгын һәм вентканалларны ремонтларга кирәк булачак.
ТР ДТИ матбугат хезмәте