Республикада торак-коммуналь хуҗалыкка карата шикаятьләр буенча «рекорд» куелды

2025 елның 14 гыйнвары, сишәмбе

    Узган ел Татарстанның Торак инспекциясенә көненә 99 сорау керде.  Барлыгы 23731 мөрәҗәгать килде. Бу 10 ел эчендә иң югары күрсәткеч.

    Чагыштыру өчен: 2023 елда татарстанлылар 17609 мөрәҗәгать юллаган. Һәм бу рәсми хәбәрләр генә: республиканың Торак инспекциясенә ярдәм сорап яки аңлатып бирүне сорап, социаль челтәрләр аша да хәбәрләр килә.

    Татарстанлылар үз мөрәҗәгатьләрендә 36193 сорау биргән, бу үткән ел белән чагыштырганда 18%ка күбрәк.   Төп өлеше гомуми йорт мөлкәтен карап тоту (45,9%), торак-коммуналь хуҗалык сыйфаты (22,4%), идарәче компанияләр эше (17,2%) буенча. 

    Торак-коммуналь хезмәтләр өчен түләүләр буенча сораулар саны чиреккә диярлек кимегән: 2679 (2023 елда – 3446).

ТР ДТИ матбугат хезмәте