"Жилкомсервис" җәмгыятенең ТР Дәүләт торак инспекциясенә карата күрсәтмәне законсыз дип тану турындагы гаризасы нигезендәге №А65-18702/2016 эш буенча 23.12.2016 Татарстан Республикасы Арбитраж суды карары
Агымдагы, кичектергесез, мәҗбүри сезонлы эшләр һәм хезмәтләр объект буларак йортны карап тоту нормалары нигезендә шартнамәдә каралган булып санала һәм, тиешле, билгеле бер гамәлләрнең шартнамәдә искә алыну-алынмавына һәм аларны башкару зарурлыгы мәсьәләсендә йорттагы биналарның милекчеләренең махсус карары булу-булмавына бәйсез рәвештә, идарәче оешмалар тарафыннан гамәлгә ашырылырга тиеш.
Россия Федерациясе Торак кодексының 15 статьясының 5 пунктындагы һәм 16 статьясының 3 пунктындагы торак биналарның билгеләмәләреннән чыгып, аңа торак бина мәйданы гына түгел, ә күпфатирлы йорттагы (элеккеге тулай торактагы) гомуми файдалану урыннары да, шулай ук ярдәмче билгеләнешендәге бүлмәләр дә кертелә, аларга, шул исәптән, элеккеге тулай торакта бердән артык торакка һәм (яки) торак булмаган бүлмәгә хезмәт күрсәтү өчен билгеләнгән кухня, юыну һәм бәдрәф бүлмәләре дә карый.
Карарда РФ Иң югары Арбитраж суды Президиумының 29.09.2010 №6464/10 Карарына сылтама китерелә, аның буенча идарәче компаниянең, торак йорт белән идарә итү шартнамәсенең 1,3 пунктында бәян ителгәнчә, бу йортта, санузел коридорларын, душ бүлмәләрен, уртак кухняларны да кертеп, бердән артык бүлмәгә хезмәт күрсәтү өчен билгеләнгән, фатир өлеше булып саналмаган биналарны карап тоту вазифаларыннан азат итү турындагы шарты Россия Федерациясе Гражданлык кодексының 166 һәм 168 статьялары нигезендә гамәлгә ярашсыз булып тора.
Шул рәвешле, элеккеге тулай торакта бердән артык торакка һәм (яки) торак булмаган бүлмәләргә хезмәт күрсәтү өчен билгеләнгән кухня, юыну һәм бәдрәф бүлмәләре, димәк, аталган бүлмәләр гомуми мөлкәт составына керә һәм уртак өлешле милекчелек хокукында йорттагы барлык торак биналарның милекчеләренеке була, чөнки РФ ТК 36 статьясы нигезендә уртак өлешле милекчелектә булган биналарның исемлеге яшерен булып саналмый.
2016 елның 29 декабренә карата суд карары законлы көченә кермәгән әле.