Солидарность урамындагы 6 нчы йортта яшәүчеләр: “ЖКХ Дербышки” булдыра алмый
Казанның Солидарность урамындагы 6 нчы йортта яшәүчеләр үз торакларының канәгатьләнерлек булмавына шикаятьләр белән мөрәҗәгать иткәннәр. Аларның сүзләренә караганда, “ЖКХ Дербышки” идарәче компаниясе хезмәтләре өчен вакытында түләүгә карамастан, күрсәтелә торган хезмәтләрнең сыйфаты яхшы түгел.
Инспекция үткәргән тикшерү барышында көзге-кышкы чорда кабул ителми торган күпсанлы хокук бозулар ачыкланды. Йортның подъездларында күп еллар дәвамында агымдагы ремонт үткәрелмәгән: стеналарга һәм тәрәзә авышлыкларына буяулар коела, ә тәрәзәләрнең үзләрендә ярыклар бар яки бөтенләй ватык. Подвалда күлләвекләр һәм начар беркетелгән торбалар табылган, бу яшәү өчен уңайсыз шартлар тудыра.
Административ эшне карау нәтиҗәләре буенча “ЖКХ Дербышки” идарәче компаниясе директоры җаваплылыкка һәм 55 мең сум штрафка тартылды. Инспекция ачыкланган хокук бозуларны бетерүне контрольгә алды һәм идарәче компанияне күрсәтмәнең үтәлеше турында хисап бирергә мәҗбүр итте.
Татарстан Торак инспекциясе матбугат хезмәте