Нурлат районындагы идарәче оешмаларның җитәкчеләрен торак йортларны карап тоту һәм ремонтлау кагыйдәләрен бозган өчен административ җаваплылыкка тарту хакында.

ТР Нурлат районы прокуратурасы тарафыннан, Чистай ЗТИ инспекторлары белән берлектә, күпфатирлы торак йортлар белән идарә итү буенча эшчәнлек башкаручы оешмаларның торак йортларны карап тоту һәм ремонтлау һәм торак йортларны кышкы чорда файдалануга әзерләү чараларын башкару өлешендә торак законнары таләпләренең үтәлеше тикшерелде.

Нурлат ш. Совет урамы буенча 66, 120, 122 санлы торак йортларда торак фондын техник эксплуатацияләү кагыйдәләре һәм нормалары бозылу очраклары ачыкланды. ПиН буенча ачыкланган төп кагыйдә бозу очракларында шушы торак йортларда түбәндәге җитешсезлекләрне билгеләп үтәргә мөмкин: ишек уемнарындагы ярыклар; цоколь өлешендә тышкы төзекләндерү катламы өлешчә купкан; фасад стеналарының кирпеч өемнәре урыны-урыны белән җимерек; подвал биналарының торышы канәгатьләндерерлек түгел: су басу эзләре бар, чүп-чар, яктылык юк һәм җилләтелми; фундамент күперчеге җимерек.

Тикшерү нәтиҗәләре буенча Нурлат районы прокуратурасы тарафыннан РФ КоАП 7.22 ст. буенча “ТКХ УК” ҖЧҖ директорына карата (Совет урамы буенча 66 санлы торак йортны карап тоту һәм ремонтлау кагыйдәләрен бозган өчен) һәм “Комфорт” ТМШ карата (Совет урамы буенча 120 һәм 122 санлы торак йортларны карап тоту һәм ремонтлау кагыйдәләрен бозган өчен) административ бозулар турында эшләр кузгатылу хакында карарлар чыгарылды һәм карап тикшерү өчен Чистай ЗТИ җибәрелде.

2016 елның 31 августында административ эшләрнең материаллары ЧЗТИ башлыгы тарафыннан каралды. Нәтиҗәдә “ТКХ ИК” ҖЧҖ директоры белән “Комфорт” ТМШ рәисе РФ КоАП 7.22 статьясында каралган хокук бозуда гаепле дип танылдылар һәм аларның һәркайсы 4000 сум күләмендәге штраф рәвешендә административ җаваплылыкка тартылды.