2015 елның беренче 6 ае өчен Түбән Кама зонасы торак инспекциясе тарафыннан гражданнарның мөрәҗәгатьләрен карап тикшерү нәтиҗәләре хакында
Гражданнарның мөрәҗәгатьләрен карап тикшерү Түбән Кама зонасы торак инспекциясе эшчәнлегендәге юнәлешләрнең берсе булып тора.
2015 елның беренче 6 ае өчен Зәй, Түбән Кама һәм Яңа Чишмә муниципаль районнарында яшәүчеләрдән ТКЗТИгә 332 мөрәҗәгать (2014 елның шушы чорында -311) килеп ирешкән, аларда торак фондын карап тоту һәм ремонтлау, күрсәтелүче торак-коммуналь хезмәтләрнең сыфатына карата 405 мәсьәлә күтәрелә. Татарстан Республикасы Аппаратыннан - 57, Төзелеш һәм ТКХ министрлыгыннан - 55, прокуратурадан - 54, ТР Дәүләт торак инспекциясеннән 50 мөрәҗәгать килгән. ТКЗТИ башлыгы тарафыннан 25 граждан шәхси кабул ителгән.
Татарстан Республикасы башкарма хакимият органнарының Интернет-кабул итү хезмәтләре аша гражданнардан мөрәҗәгатьләр күбрәк килә. 2015 елның беренче 6 ае өчен ТКЗТИгә шундый 88 мөрәҗәгать кергән, 2014 елның шушы чорында 104 мөрәҗәгать кабул ителгән булган.
Мөрәҗәгатьләрдә күтәрелгән темалар арасында гомуми милекне карап тотуга кагылышлы (36%), коммуналь хезмәтләргә (31%), күрсәтелүче коммуналь хезмәтләрнең сыйфатына (16%) кагылышлы проблемалар күтәрелә.
Мөрәҗәгатьләрне карап тикшерү нәтиҗәсендә идарәче оешмаларга ачыкланган бозуларны бетерү турында 147 күрсәтмә бирелде, РФ КоАП 19.5 статьясы нигезендә административ хокук бозулар турында 7 беркетмә төзелде, җәмәгать суды тарафыннан 221,3 мең сумлык административ штраф салу турында 7 карар чыгарылды. РФ КоАП 7.21; 7.22; 7.23 статьялары нигезендә административ хокук бозулар турында 17 беркетмә төзелде, ТКЗТИ башлыгы тарафыннан 82.0 мең сумлык административ штраф салу турында 17 карар чыгарылды.
Килгән мөрәҗәгатьләрнең күп өлеше - 135се уңай хәл ителде, 58 мөрәҗәгать ТКЗТИконтрольлегендә кала бирә.