Өйдә “хуҗа”: Көтүләр һәм кырыс чынбарлык
Идарәче компания директоры кем ул? Бу сезнең йортыгыз (яки йортлар комплексы) тәртиптә булсын өчен җавап бирә торган төп кеше. Ул “җитәкче” генә түгел,ә күбрәк хезмәт күрсәтү һәм күчемсез милек белән идарә итү белән бәйле барлык процессларны оештыручы һәм координатор.
Идарәче компаниянең идеаль директоры - ул бөтен системаның баш мие. Ул персоналны яллый һәм җитәкли, бурычларны билгели, аларның үтәлешен күзәтә һәм эшнең сыйфатын контрольдә тота, йортның инженер системалары торышын күзәтә, планлы ремонтлар оештыра, шулай ук авария хәлләренә оператив рәвештә җавап бирә, кешеләр белән аралаша, аларның проблемаларын һәм тәкъдимнәрен тыңлый, компромисслар таба һәм бәхәсле мәсьәләләрне хәл итә белә. Яхшы директор тәртип саклап кына калмый, ә яшәүчеләрнең тормышын яхшыртырга омтыла. Ул территорияне төзекләндерү, яңа балалар мәйданчыклары урнаштыру, парковка урыннары оештыру һ. б. буенча проектлар башлап җибәрә ала.
Идарәче компания директоры - үзенә күрә күпфатирлы йортның “хуҗасы” дип әйтергә була.
Беләсезме андыйны? Безгә шәрехләрдә хәбәр итегез. Ә торак инспекторлары әлегә идеалны очратмады. Мәсәлән, Альберт Камалиев проспектындагы 28/9, Габдулла Кариев урамындагы 8 нче йортларда тикшерү “ИК-Казан XXI гасыр” директорына штраф салу белән тәмамланды.
А. Камалиев проспектындагы йортның икенче подъездында һәм җир асты парковкасына төшү урынында пычрак, дымлы җыештыру башкарылмый. Тамбурда һәм кайбер катларда стеналардан буяу коела, коляска бүлмәсендә ярык, урыны белән идәндә ватык плитка.
Габдулла Кариев урамындагы йортта төтенсез баскыч ишегендә коррозия, ишек тыгыз ябылмый, уртак балконнарда чүп-чар һ.б.
Барлык хокук бозуларда күп фатирлы йортларның “хуҗасы” гаепле, моның өчен аңа 65 мең сум штраф билгеләнгән.
Хокук бозулар исемлеге күпкә күбрәк. ТКХ ГИС мониторингы барышында инспекторлар ачыкладылар:
- Компания идарә итә торган 29 йортның барысы да милекчеләрнең читтән торып гомуми җыелышын үткәрергә әзер түгел, чөнки фатирның кадастр номерлары Росреестр базасы белән бәйле түгел. Мәсәлән, Альберт Камалеев проспектындагы йортта 63 фатир реестр белән бәйле түгел.
- Сигез йортның электрон паспортларында йортның техник характеристикалары турында тулы мәгълүмат юк. Мисал өчен, торак булмаган биналарның гомуми мәйданы турында мәгълүмат юк, ә бу мәгълүмат шулай ук милекчеләрнең гомуми җыелышын үткәрү өчен дә кирәк.
- Гыйнвар аенда ТКХ системасында түләү документларының 85% ка якыны урнаштырылган.
- Түләү исәпләгәндә исәпләү приборларының мобиль кушымта аша тапшырылган күрсәткечләренең 50% ы гына исәпкә алына.
- Федераль системада барлык 29 йортта башкарылган эшләрнең бер генә акты да юк. Я өйләрдә берни дә эшләмәделәр, я чыгымнар турындагы мәгълүматны яшерделәр.
“УК-Казань XXI Век” сезнең идарәче компаниягезме? Үзегезнең “җитәкчегез” турында шәрехләрдә языгыз https://vk.com/gjirt
Татарстан Торак инспекциясе матбугат хезмәте