Газүткәргечне чыгармасагыз – йортны кабул итмәячәкбез
«Алмаячаклар икән – газны сүндерәчәкбез!» – әгәр яшәүчеләр дәүләт лотереясе билетларын алудан баш тартса нишләргә, дигән сорауга җавап итеп, "Бриллиантовая рука" комедиясендә йорт идарәчесе ролен уйнаучы героиня Нонна Мордюкова шулай дигән. Фраза канатлы һәм елмаясы килеп китә. Ә торак инспекторларының «Газүткәргечне чыгармасагыз – йортны кабул итмәячәкбез» дигән сүзләре капиталь ремонт үткәрүчеләрнең барысының да ачуын чыгара. Чөнки бу өстәмә акча һәм вакыт таләп итә. Аның каравы, яшәүчеләр һәм аларның мөлкәте өчен куркынычсыз. Шуңа күрә Татарстанның Торак инспекциясе барлык законнарны, нормаларны һәм кагыйдәләрне үтәүне таләп итә.
Газүткәргечне кая һәм ни өчен чыгарырга кирәк?
Дивардан газүткәргечкә кадәр ара торба диаметрының яртысыннан да ким булмаска тиеш, һәм аны монтажлау, хезмәт күрсәтү һәм ремонтлау уңайлы булырлык итеп салынырга тиеш. Ә механик зарарлануларны һәм коррозияне булдырмас өчен, дивар яки япма белән кисешкән урыннарда газүткәргечнең тоташтыргыч кушылмалары булырга тиеш түгел.
Татарстанда йортларга капиталь ремонт ясаганда еш кына фасадларны җылытуны планлаштыралар. Ләкин йортның «юанаюын» һәм йортны уратып алган газүткәргечнең өйгә «берегүен» исәпкә алмыйлар. Аңа соңыннан ничек хезмәт күрсәтергә һәм ремонтларга?
Мәсәлән, Питрәч районының Кощаково авылында Җиңүнең 50 еллыгы урамындагы 1,2 номерлы йортларда шулай. Газүткәргечне я панельләр белән япканнар, я стеналарга "батырганнар". Торбалар астында я бөтенләй җылыткыч юк, я ул юка. Бу участоклар салкын күперләр дип атала башлады. Алар аркасында өйләрдә җылылык саклана алмый. Ул чагында җылытуга миллионлаган чыгымнарның мәгънәсе нәрсәдә? Һәм андый очраклар йөзләрчә. Әйе, матур эшләнгән. Ләкин тормыш өчен куркыныч.
Икенче проблема – янкормалар, гомумйорт газүткәргечен басып алып, балконнарны пыяла белән каплау. Уңайлы яшәү шартлары булдыру теләге аңлашыла. Әмма татарстанлылар үз өйләрендә акрынайтылган мина урнаштыруларын аңламыйлар. Куркынычсызлыкка ышаныч чыганагы нәрсә булган соң? Әллә бу үз тормышыңда бөтенләй битарафлык билгесеме? Газ хезмәткәрләренең бу торбаларга керү мөмкинлеге юк.
Идарәче оешмалар моңа юл куймаска тиеш, әмма еллар буе игътибарсыз калдыралар. Беркемнең дә суд утырышларына кирәгеннән артык йөрисе килми, чөнки яшәүчеләр үз ирекләре белән янкормаларны һәм балкон пыялаларын сүтүдән баш тартачак.
Шуңа күрә монда да Торак инспекциясенең таләбе бер мәгънәле – я үзкормаларны җимерергә, я газүткәргечне яңадан салырга. Башкача капиталь ремонт эшләре кабул ителмәячәк. Бөтен фасад газүткәргеченә хезмәт күрсәтү мөмкинлеге булырга тиеш.
Бу проблемалар турында бүген республиканың Торак инспекциясендә фикер алыштылар. Очрашуга «Газпром трансгаз Казан» ҖЧҖ генераль директоры урынбасары Рәмис Сәлахов, Татарстан Төзелеш министрлыгының торак фондын капиталь ремонтлау программаларын гамәлгә ашыру бүлеге башлыгы Миләүшә Алиәкбәрова, «ТКХ фонды» КО торак фондын капиталь ремонтлау программасын координацияләү бүлеге башлыгы Эльмира Вәлиева килде.
Системалы һәм планлы эшләргә, муниципаль берәмлекләргә чыгарга, йортларга йөрергә һәм анда яшәүчеләр белән аралашырга булдылар. Күчмә фикер алышуларның нәтиҗәләрен алдагы язмаларда хәбәр итәрбез.
Татарстан Торак инспекциясе матбугат хезмәте