Торгызу яки сатулашу аша сату: яңадан планлаштырылган фатирларның киләчәге
Татарстанның Торак инспекциясенә быел фатирларны яңадан планлаштыру белән бәйле 90 мөрәҗәгать керде. Аларның 57се расланды.
Төп үзгәртеп корулар: келәтләрне һәм стеналарны сүтү, яңа стеналар төзү, ишек уемнарын күчерү, трансформацияләнә торган бүлгеләр урнаштыру, ванна бүлмәләрен торак бүлмәләр өстенә урнаштыру, ванна бүлмәләрен санитария төеннәре белән берләштерә торган итеп үзгәртеп кору.
Мәсәлән, Әлмәт шәһәренең Гафиятуллин урамындагы 30 нчы йортта фатир хуҗасы кухня белән бүлмәне берләштергән, ә кухнядан коридорга ишек уемын япкан. Бәдрәфне һәм ванна бүлмәсен берләштереп, моннан тыш коридор хисабына аның мәйданын арттырган. Сөлге киптергечне баскыч стенасына күчергән.
Конструкцияне җимерү иң начар очракта йортның яки аның өлешенең җимерелүенә сәбәп булырга, ә бу исә күршеләрнең үлеменә китерергә мөмкин. Иң яхшы очракта диварларның һәм түшәмәләрнең деформациясе белән төгәлләнә ала. Бу йортны яшәү өчен яраксыз итәчәк.
Таяныч диварны җимерү торбаларга, чыбыкларга һәм башка коммуникацияләргә зыян китерергә мөмкин. Торак бүлмәләр өстендә «юеш» нокталар – кухнялар, ванналар урнаштыру шулай ук тыелган.
Башкарма комитетның ведомствоара комиссиясе белән килештерелгән үзгәртеп планлаштырулар гына законлы. Моны ничек эшләргә, нинди документлар бирергә - һәр башкарма комитет сайтында җентекле мәгълүмат урнаштырылган.
Мондый тәртиптә эш итү яхшырак — башта килештерү, аннары ремонт. Гамәлләр алгоритмы безнең сайтта «Мөрәҗәгатьләр» / «Халык өчен мәгълүмат» бүлегендә урнаштырылган.
Яңадан планлаштыруны суд аша гына законлаштырырга мөмкин. Ләкин барлык эш төрләрен дә законлаштырып булмый:
- таяныч стеналарны җимерү;
- "юеш зоналарны" (кухня һәм санузелны) фатирның башка нокталарына күчерү – алар түбән каттагы күршеләрнең торак бүлмәләре өстендә калачак;
- газ плитәсе куелган кухня белән башка бүлмәләр арасындагы ишекне бетерү;
- җылы идәнне җылыту батареяларына тоташтыру исәбенә урнаштыру.
Торак инспекциясе гаеплеләрне административ җаваплылыкка тартуга вәкаләтле. Гафиятуллин урамындагы 30 нчы йорттагы фатир хуҗасы 2500 сум штрафка тартылды. Аннары идарәче компания һәм башкарма комитетның ведомствоара комиссиясе фатирны торгызу турында күрсәтмә бирә. Үтәлмәячәк икән, судка дәгъва биреләчәк. Әгәр милекче моны суд карары буенча да эшләүдән баш тартса, законсыз планлаштырылган фатирны сатулашу аша сатарга мөмкиннәр.
Татарстан Торак инспекциясе матбугат хезмәте