«Успех» торак милек ширкәте: капиталь ремонт булырмы-юкмы
Казан шәһәренең Маршал Чуйков урамындагы 65 нче йортта капиталь ремонт нинди акчага үткәреләчәк? «Успех» торак милекчеләре ширкәте әгъзалары капиталь ремонтка кертемнәр туплау өчен махсус банк счетын сайлаганнар. Ягъни аларның шәхси счеты. Банкка салганнар, процентлар алалар. Кайберәүләр моны отышлы дип саный һәм болай фикер йөртә: «Әгәр регоператорның «гомуми казна»сына бирсәң, ул акчаны бүтән күрмәссең».
Әйе, бу акчалардан файдалануы мөмкин түгел. Ләкин капиталь ремонт башланганчы гына. Кертемнәр тупланып кына калмый, республика һәм муниципаль бюджетлардан финанслар да җәлеп итә. «Ялгыз хуҗалыклар» дип аталучы бу кешеләр үзләренә генә исәп тота ала. Алай гына да түгел, вакыт узу белән аларның үзләренә дә исәп тотасылары килми.
Мисал өчен, «Успех» торак милекчеләре ширкәте. 2023 елда 2,3 млн сумнан артык сарыф иткәннәр. Исәптә 755 мең калган. Акча кайда? Ремонтка тотылган. Кайтарырга туры килер.
Татарстанның Торак инспекциясе искәртә: капиталь ремонт фондын формалаштыру федераль законнар белән регламентлана һәм акчаларны максатчан тотуга юнәлдерелгән. Монда максат – капиталь ремонт буенча региональ программаны гамәлгә ашыру. Хәтта акча йортка кертелгән булса да, агымдагы ремонт үткәрелсә дә, бу – законлы түгел. Агымдагы һәм капиталь ремонт – чыгымнарның төрле маддәләре. Торак инспекциясе тикшерү үткәрә, материаллар судка җибәреләчәк.
Махсус счет хуҗаларының Инспекциягә дәүләт ярдәмен таләп итеп мөрәҗәгать итүләре сирәк күренеш түгел. Менә кичә дә гражданнарны кабул иткәндә сүз шул хакта чыкты, икенче бер ширкәт әгъзалары: «Безгә дәүләт ярдәме кирәк!» - диләр. Аңлатма бер – бездә лифтка акча юк, йортта балалы гаиләләр яши һ.б.
Булачак. Әмма шарт белән: йә милекчеләр махсус счетка акчаны кире кайтара һәм үзләре ирекле рәвештә регоператорга күчәләр, йә аларны «гомуми казан»га күчерәләр, ләкин берничә елга түләүләрне яңадан исәпләп. Ягъни һәрхәлдә өстәмә түләргә туры киләчәк. Үзеңнекен үзеңә генә сарыф итәргә, ә аннары гомуми казнадан алырга мөмкин булмаячак. «Гомуми казна» принцибы – бүген бездә масштаблы ремонт, иртәгә – күршеләрдә.
Татарстан Торак инспекциясе матбугат хезмәте