Аңлатабыз: җыелышлар үткәрүнең яңа тәртибе
Күпфатирлы йортлар милекчеләренең гомуми җыелышларын үткәрү тәртибе үзгәрде. Нәрсә үзгәрде?
Кабул ителгән 463 номерлы федераль закон нигезендә, 1 марттан башлап җыелышларны читтән торып, системаны кулланып, бары тик ТКХ ДМС яки төбәк мәгълүмат системаларында гына үткәрергә мөмкин – Татарстанда бу «Локоло» мәгълүмат системасы. Башка системаларда тавыш бирү инде легитимлы түгел.
Шулай ук теләсә нинди формада үткәрелә торган җыелыш турында системада хәбәр урнаштыру мәҗбүри булды (Торак кодексының 45 ст. 4 өлеше). Хәбәр урнаштырылганнан соң, система милекчегә Дәүләт хезмәтләре порталында шәхси кабинетына өч төрле белдерү җибәрә: тавыш бирү башланырга 10 көн кала аның датасының якынлашуы, тавыш бирүнең башлануы һәм аның нәтиҗәләре турында.
Хәбәр алу фактын яшереп булмый: кулланучы Дәүләт хезмәтләре порталында шәхси кабинетына яки торак-коммуналь хуҗалык системасына керү белән, белдерү алу юридик әһәмияткә ия дип таныла.
Җыелышны читтән торып, системаны кулланып үткәргәндә, халыкның бюллетень аша да тавыш бирү мөмкинлеге бар. Җыелыш администраторы милекчеләрнең карарлары белән бюллетеньнәрне аларда күрсәтелгән СНИЛС белән генә кабул итәргә тиеш (Торак кодексының 47.1 ст. 10 өлеше). СНИЛС номерын әйтәсе килмиме? Тик бу документ буенча гына җыелыш администраторы торак-коммуналь хуҗалык системасына тавыш керткәнме һәм нәтиҗәләр фальсификацияләнмәгәнме-юкмы икәнен тикшерергә мөмкин.
Шуңа күрә, әгәр шәхси мәгълүматларны тапшыру турында борчыласыз икән, онлайн тавыш бирергә киңәш итәбез.
Тулы инструкция сылтама буенча. Монда җыелышлар үткәрү турында актуаль мәгълүмат алуы, үз соравыңа җавап табуы җиңел.
Тагын бер үзгәреш: җыелыш инициаторы заявканы электрон рәвештә дә бирә ала (Торак кодексының 45 ст. 6 өлеше). Моның өчен күпфатирлы йорттагы урын милекчесенә «Госуслуги Дом» мобиль кушымтасын күчереп алырга, «Милекчеләрнең гомуми җыелышын башлау» темасы белән күмәк заявка ясарга, анда җыелышның көн тәртибенә кертелергә тиешле сорауларны формалаштырырга һәм бастырып чыгарырга кирәк.
Заявкага башка милекчеләр кушылганнан соң, мөрәҗәгать итүче бастырып чыгарылган заявканы идарәче оешмага җибәрергә мөмкин. Шул рәвешле, оешма үзенең шәхси кабинетында көн тәртибе һәм аңа кушылган барлык милекчеләрнең сораулары белән заявканы күрәчәк.
Татарстан Торак инспекциясе матбугат хезмәте