Әлмәтнең «шәп» торак фонды
Татарстанның баш дәүләт торак инспекторы Әлмәт шәһәрендә булды. Эш визиты планында – быелгы капиталь ремонт программасына кертелгән йортларда булу. Йортларда дефектовка үткәрелә, ягъни кимчелекләр тикшерелә һәм ачыклана, димәк, мәҗбүри эш планы да.
«Әлмәттә торак фонды бик «шәп» икән», - дип нәтиҗә ясады тикшерү нәтиҗәләре турында Александр Тыгин.
Сөләйманов урамындагы 22 нче һәм Вәлиев урамындагы 12 нче йортларның торышы аеруча шаккаттырды.
Беренче адрес буенча өй цоколе һәм отмостка арасында үскән агач шаккаттырды. Хәтта бер ярык та хокук бозу булып тора, ә монда күп еллар агачны я күрмәгәннәр, я игътибарсыз калдырганнар. Алга таба: фасад коела, подвалда кайнар су һәм җылыту торбаларында изоляция юк, салкын су белән тәэмин итү торбалары күгәргән, канализация системасы ага, йорт яны территориясе кардан чистартылмаган.
Икенче адрес буенча вентиляция каналлары коточкыч хәлдә. Бетон җимерелгән, арматура ялангач, козыреклар юк. Бу барлык явым-төшем сулары һәм бетон кисәкләре шахтага эләгә дигән сүз. Бу йортларга хезмәт күрсәтүче идарәче компанияләрнең гамәлгә куючысы – бер үк. 2024 ел нәтиҗәләре буенча Инспекциядә антирейтинг төзелде.
Әлмәт районында өч идарәче компания: «ЖЭУ-3» ҖЧҖ, «АЛЬЯНС» ҖЧҖ һәм «Первый поселок» ИК ҖЧҖ гамәлгә куючыга Гран-при – административ җаваплылыкка тарту турында 39 карар. Гамәлгә куючыга 2 млн 72 мең сумлык штраф язылган.
Тулы реконструкциядән соң торак фондының әлеге идарәче компанияләр идарәсендә калуы гадел булырмы? Агымдагы ремонт һәм башкасы өчен милекчеләр алга таба да ай саен түләячәк, тик чыгымнар әле озак таләп ителмәячәк.
Татарстанның Торак инспекциясе йорт милекчеләренә мөрәҗәгать итә: Республиканың суд практикасында идарәче компанияләрне дисквалификацияләүнең бер генә очрагы да әлегә юк. 2024 елда әлеге идарәче оешмаларга карата материаллар Инспекция тарафыннан дисквалификацияләүгә карата судка бирелде. Әмма суд 230 мең сумлык штраф белән чикләнде.
Милекчеләргә гомуми җыелыш үткәрергә һәм идарәче компанияне алмаштыру турында карар кабул итәргә киңәш итәбез.
Татарстан Торак инспекциясе матбугат хезмәте