Башкалар хисабына...
«Гомуми хисаптан капиталь ремонт ясатырга телибез», – кыскача гына әйткәндә, Алабуга һәм Зеленодольскида 2 йортта яшәүчеләрнең фикерен әнә шулай җиткерергә мөмкин.
Тиздән капиталь ремонтның яңа сезоны башланачак. Әмма планлаштырылганнарның барысына да акча җитмәячәк. Сәбәбе – саклана торган акчаларның бер өлеше сарыф ителгән, бу исә законга каршы.
Капиталь ремонтның төбәк операторы булып «ТКХ фонды» КО тора, татарстанлыларның барлык тупланмалары аның счетында. 3350 кв.м мәйданлы 4 подъездлы 5 катлы йортка ремонт ясауга 2024 ел бәяләрендә исәпләгәндә, уртача – 27 млн. сум, 8200 кв.м мәйданлы 4 подъездлы 9 катлы йортка 40 млн. сум акча таләп ителә.
Шул рәвешле, 5 катлы йортның милекчеләренә – 87 ел, ә 9 катлыда яшәүчеләргә 38 ел көтәргә кирәк булачак. Әлбәттә, шул күп көтәргә туры килми, «гомуми казан» шул максатларда булдырылган да. Милекчеләр үз мөлкәтләрен яңартуга акчаны аванс белән ала кебек, һәм хәтта ремонттан соң да түләүләрен дәвам итәләр.
Аларның кертемнәре башка йортларны ремонтлауга китәчәк. Махсус счетны сайлаган кешеләр акчаны үзләре өчен генә җыя. Һәм үз тупланмаларына гына исәп тота алалар.
Бу сезонга планда – 719 йорт, шуларның 20се – ялгыз хуҗалыклар. Ләкин 20 нең 3 сендә генә җитәрлек тупланмалар бар: - Казан шәһәре, Урицкий ур., 31/53 й.; - Казан шәһәре, Ф.Әмирхан ур., 17 й.; - Чаллы шәһәре, Раскольников ур., 83 й. Бу йортларның милекчеләренә җыелган акча ремонт өчен җитәчәк. 6 йорт буенча мәгълүмат юк – бирмәгәннәр, калганнары тупланмаларның бер өлешен сарыф иткән. Бу – законга каршы.
Капиталь ремонтка кертемнәр башка бернәрсәгә дә тотыла алмый. Шуңа да карамастан, аларны сарыф итәләр. Мисал өчен, Алабуга шәһәренең Нечаев урамындагы 5 нче йорт һәм Зеленодольск шәһәренең К.Маркс урамындагы 3 нче йорт милекчеләре. Алар, үзләре уйлаганча, дөрес карар кабул иткәннәр – төбәк операторына күчеп, үз йортларын башка кешеләрнең кертемнәре хисабына яңартырга.
Алабугадагы йорт счетында – 3,4 млнсум, ә барлыгы 6 млн.сум булырга тиеш. Әмма өч лифтны алмаштыру өчен аларга якынча 11 млн.сум кирәк. Зеленодольскидагы йорт счетында – 429 меңгә якын, ә ремонт өчен 3,7 млн.сум таләп ителә. Акчаны каян алырга? «Гомуми казаннан». Мондый карарны милекчеләр гомуми җыелышта кабул иткәннәр. Торак инспекциясе алабугалылар җыелышы беркетмәсен әлеге карар белән берлектә шикаять итте.
Документ дөрес түгел дип танылды. Беренчедән, кворум юк, икенчедән, кертемнәрнең бер өлеше тотылган. Зеленодольск халкы җыелышының беркетмәсе әлегә карала. Махсус счетка акча күчерүчеләрнең барысына да тупланмаларны контрольдә тотарга киңәш итәбез. Һәр милекче аның торышын тикшерә ала.
Мондый мәгълүмат алу хокукы РФ Торак кодексының 177 ст. 7 өлешендә каралган. Теләсә кайсы милекченең таләбе буенча банк счетка күчерелгән барлык түләүләр суммасы турында, махсус счеттагы калган акчалар турында, әлеге махсус счет буенча барлык операцияләр турында мәгълүмат бирәчәк. Мондый контроль тупланмаларны максатчан булмаган файдаланудан сакларга ярдәм итәчәк.
Махсус счетның торышы турындагы мәгълүматны үз акчаларын урнаштыру өчен сайланган банкка җибәрергә кирәк. Гаризага милек хокукын раслый торган документны теркәп куярга кирәк.
Татарстан Торак инспекциясе матбугат хезмәте