Рекордка барабыз: 21 меңнән артык мөрәҗәгать

2024 елның 27 ноябре, чәршәмбе

Татарстанның Торак инспекциясенә 21087 мөрәҗәгать кергән, узган ел буена – 17,6 мең. Ягъни шактый үсеш барлыкка килгән.

Иң төп шикаятьләр:

- гомумйорт мөлкәтен карап тоту (14 меңнән артык сорау),

- торак-коммуналь хезмәтләрнең сыйфаты (6,5 меңнән артык сорау),

- идарәче компанияләр эше (5,4 меңгә якын сорау).

Актуальләре арасында шулай ук торак-коммуналь хезмәтләр өчен түләү исәпләү, мәгълүмат системалары эше, капиталь ремонт ясау зарурлыгы, торак биналарны яңадан планлаштыру. 

Инспекция өчен шикаятьләр саны буенча рекордлы 2016 ел булган – 21,6 мең мөрәҗәгать. Якынча фаразлар буенча 2024 елда яңа рекорд – 23 мең мөрәҗәгать  теркәләчәк.

ТР ДТИ матбугат хезмәте