Баш тарту рөхсәт итү дигән сүз түгел
Татарстан Торак инспекциясе «ДОЛЬЧЕ ВИТА», «Удачный» һәм «ГРАД-СЕРВИС» идарәче компанияләрен лицензияләр реестрына кертүдән баш тарту турында карар кабул ителде.
«ДОЛЬЧЕ ВИТА» МТ ҖЧҖ төзүче оешмасы «ДОЛЬЧЕ ВИТА» ИК белән Югары Ослан районының Урман Морквашы авылында, Фидакарьчеләр проспектында, 1,2,3,4 нче йортта күпфатирлы йортлар белән идарә итү турында килешү төзегән. Яңа күченүчеләргә әлеге ИК хезмәтләрен аларның шартларында һәм тарифларында тәкъдим итәргә теләгәннәр. Торак инспекциясеннән рөхсәт алырга, ягъни күпфатирлы йортлар белән идарә итү буенча эшкуарлык эшчәнлеген гамәлгә ашыруга ТР лицензияләре реестрына кертеләсе генә калган.
Гаризаны һәм документларны өйрәнеп, инспекциядә кайбер хокук бозуларны ачыкладылар, алар аркасында торакларны карап тотучыны реестрга кертүдән баш тартылды. Бу исә идарәче компания яңа төзелешләргә хезмәт күрсәтә алмый дигән сүз. Моннан тыш, ИК һәм төзүче мөстәкыйль рәвештә, милекчеләрнең фикерен исәпкә алмыйча, мәҗбүри хезмәтләрнең һәм тарифларның яңа төрен билгеләгәннәр: видеокүзәтү (кв.метрдан 5,36 сум), фильтр җиһазларын агымдагы ремонтлау (кв. метрдан 4 сум). Исегезгә төшерәбез, мондый карарны милекчеләр генә кабул итә ала.
Алга таба идарәче компания Татарстан Хөкүмәте вәкаләтләрен үз өстенә алган: капиталь ремонт өчен кертемнәрнең минималь күләмен – бер квадрат метр өчен 6,95 сумнан билгеләгән.
Шартнамә төзегәндә тарифлар билгеләү законнарда каралмаган. Торакларны карап тотучылар тарифны үзләре билгеләргә хокуклы түгел. Яисә ТР МК кабул иткән (1 кв.метр өчен 7,70 сум), яисә милекчеләрнең гомуми җыелышы карары белән билгеләнгәннән югарырак була ала. Һәм капиталь ремонтка кертемнәр буенча түләп бару йөкләмәсе бары тик йортны төбәк программасына керткәннән соң гына гамәлгә керә. Мәгълүмат чаралар күрү өчен прокуратурага тапшырылды.
Зеленодольск районының Осиново авылында «УДАЧНЫЙ» ИК» ҖЧҖ Спорт урамындагы 6 нчы йортны идарәгә алып, бизнес белән шөгыльләнергә ниятләгән. Документларның бер өлеше таләпләргә туры килмәү генә түгел, үз тарифларын да керткән: «Видеокүзәтү системасына техник хезмәт күрсәтү һәм ремонтлау» (кв.метры өчен 1 сум) һәм «Тәүлек буе эшли торган сак пункты» (кв. метры өчен 8,05 сум).
Төзүче дә, идарәче компания дә үз тарифларын билгеләргә һәм, бигрәк тә, яңаларын кертергә хокуклы түгел. Мондый мәсьәләләрне милекчеләр генә һәм гомуми җыелышта гына хәл итә.
«ДОЛЬЧЕ ВИТА» тарафыннан да капиталь ремонтка тариф кертелгән. Мәгълүмат шулай ук прокуратурага җибәрелде.
Әлмәтнең Радищев урамындагы 32 нче йортка хезмәт күрсәтергә ниятләгән «УК ГРАД-СЕРВИС» ҖЧҖ карата да кире кагу турында карар кабул ителде.
Инспекция, документларны тикшергәндә, кайбер хокук бозуларны ачыклады. Алар арасында: документлардагы белешмәләрнең дөрес булмавы, күпфатирлы йорт белән идарә итү шартнамәсе торак-коммуналь хуҗалык системасына кертелмәгән.
Әлмәт башкарма комитетына идарәче компанияне сайлап алу буенча конкурс үткәрү кирәклеге турында хат җибәрелгән.
Яңа фатирга күченүчеләргә ИК белән килешү төзегәннән соң 3 ай узгач, гомуми җыелыш үткәрергә һәм торак тарифларын яңадан карарга киңәш итәбез.
ТР ДТИ матбугат хезмәте