Ремонтны берничә көндә ясау – җиңел
Ике көн эчендә Казанның Авиатөзелеш районы идарәче компаниясе йортта яшәүче хатын-кыз зарланган хокук бозуларның бер өлешен бетергән.
Хатын-кыз Татарстанның баш дәүләт торак инспекторы Александр Тыгин янына шәхси кабул итүгә килеп, ишегалды һәм подъездның торышы турында сөйләде. Дәгъвалар исемлеге зур иде, ләкин кайбер фактлар расланмады. Мәсәлән, уртак файдалану урыннарын алу: милекчеләр ишекләрне куеп, үзләренә өстәмә алгы бүлмәләр ясаганнар. Монда бу законлы - гомуми җыелышта милекчеләр карар кабул иткәннәр.
Ә подъездның хәле чыннан да начар иде. Дөрес, кабул итүдән соң берничә көн үткәч, инспектор өйгә килгәч, подъездда эшчеләр бригадасы эшләгән: тәрәзәләрне алыштырганнар һәм янтыкларын буяганнар.
Шәхси кабул итүнең үзенчәлеге шунда ки, мөрәҗәгать итүчеләр генә түгел, идарәче оешмаларның җитәкчеләре дә чакырыла. Шикаять тыңланганнан соң, хезмәт күрсәтүче оешма вәкиленә үз фикерен әйтергә мөмкинлек бирелә.
Аларга тиешлесен бирергә кирәк – торакларны карап тотучылар тиз арада хаталар өстендә эшли башладылар. Шулай да аларга: ай ярым эчендә подъездның стеналарын буярга, бордюрларын торгызырга дигән боерык бирелде.
ТР ДТИ матбугат хезмәте