Подвалда канализация бассейны өчен штраф
Татарстанның Торак инспекциясе хезмәткәре «ЖЭУ№11» ҖЧҖ башлыгын гаепле дип таныды һәм административ җаваплылыкка тартты. Директор подвалда су басуга юл куйган, коммуналь һәлакәтне оператив рәвештә бетерү өчен чаралар да күрмәгән.
Инспекциягә Әлмәт районының Түбән Мактама ш.т.п. Завод урамындагы 6 нчы йортта яшәүче хатын мөрәҗәгать итте. Хатын хәбәр иткәнчә, бишенче подъездның подвалын канализация сулары баскан. Гади су да бик күп мәшәкатьләр тудырып, аның сасы исе аркасында сулыш алуы бик авырлашкан.
Инспектор йортны карау барышында йортның тиешенчә каралмавын ачыклады. Подвалны су басу фактлары ачык: идәндә һәм стеналарда канализация кабыклары кипкән, чүп-чар һәм исе дә бар.
Инспектор идарәче компания ай ахырына кадәр төзәтергә тиешле 6 хокук бозу очрагына күрсәтте: подвалны киптерергә, канализация системасындагы тоташу урыннарын герметиклаштырырга, санитар эшкәртү үткәрергә һ.б.
Тикшерү нәтиҗәләре буенча «ЖЭУ№11» ҖЧҖ башлыгы Административ хокук бозулар турында РФ кодексының 14.1.3 ст. 2 өлеше буенча административ җаваплылыкка тартылды. Җәза – 25 000 сум күләмендә штраф. Август башында инспектор бу йортка кабат киләчәк.
ТР ДТИ матбугат хезмәте