Торак инспекциясе 6 муниципалитетта капиталь ремонт буенча хокук бозуларны ачыклады
Татарстанның Торак инспекциясе күпфатирлы йортларда капиталь ремонт барышын контрольдә тота. Хәзерге вакытта 82 йортта эшләр башланмаган: Казанда – 22, Әлмәт, Зеленодольск, Тукай районнарында һәм Чаллы шәһәрендә – 7шәр, барлыгы 19 муниципалитетта. 63 йортта подрядчылар эш графигыннан калыша.
Традицион рәвештә куркынычсызлык техникасы буенча бозулар ачыкланды:
- Әлмәт, Буа, Түбән Кама, Казан, Чаллы шәһәрләрендә: шәхси саклану чаралары (монтаж билбаулары, саклагыч каскалар, иминият трослары, махсус киемнәр) юк.
- Түбән Кама шәһәрендә куркыныч зонаны коймаламаганнар.
Түбән Кама һәм Казан шәһәрләрендә подрядчылар йорт яны территориясендә, подъездларда яки хәтта баскыч мәйданчыгында төзелеш чүп-чарларын җыялар.
Республика башкаласында Фатыйх Әмирхан урамы, 10а йорт адресы буенча 2 нче корпуста җылыту приборлары начар беркетелгән. Ә 1 корпусында стена һәм җылыту системасы арасында чигенеш урыны юк.
Автокалада Грин урамы, 12 йорт адресы буенча эш процессын оештыруда хокук бозулар бар (подвал яктыртылмый, әмма чүп-чар һәм бет белән тулган).
Чистайда Часовая урамындагы 1 нче йортта һәм К.Маркс урамындагы 62 нче йортта фасадны ремонтлау графигыннан артта кала.
Хокук бозулар буенча мәгълүмат ТР ТКХ фондына җибәрелде.
ТР ДТИ матбугат хезмәте