ТКХ ДМС буенча атналык динамика турында
Бер атна эчендә 40 муниципалитет торак-коммуналь хуҗалык дәүләт мәгълүмат системасына тиндивидуаль төзелеш йортларының кадастр номерларын кертү буенча вәзгыятьне төзәтә башлады. Татарстанның торак инспекциясендә динамиканы билгеләп үтәләр: бер атна элек эшкә 18 район кушылган, бүген – барысы да диярлек.
Әйтик, Тукай районында системага 3000 нән артык йорт кертелгән, Лаеш районында – 1158, Әгерҗедә – 1033 һәм хәтта Әлмәт районында тагын 1891 йорт системада теркәлгән. Шуңа да карамастан, нефть башкаласы антилидер позициясен нык тота: системага 25 000 нән артык йортны кертәсе бар.
Лениногорск, Баулы, Менделеевск, Әтнә, Балтач, Тәтеш, Алексеевск һәм Нурлатта уңай динамика күзәтелә.
Артта калучылар зонасында: Казан, Минзәлә, Сарман, Чирмешән, Азнакай, Югары Ослан, Чүпрәле, Кукмара, Питрәч, Теләче һәм Чистай районнары.
Башкарма комитетлар активлыгына этәргеч бирү өчен, ТР Дәүләт торак инспекциясе тарафыннан әлеге затларга Административ хокук бозулар турында РФ кодексының «Торак-коммуналь хуҗалык дәүләт мәгълүмат системасында мәгълүмат урнаштырмау» дигән 13.19.2 статьясының 2 өлеше буенча административ җаваплылыкка тарту турында районнарның прокурорларына хатлар җибәрелде. Чүпрәле районында прокуратура түрәгә карата административ хокук бозу турында эш кузгаткан, хәзер ул җәмәгать судьясы каравында.
ТР ДТИ матбугат хезмәте