Россия Федерациясе Гражданлык кодексына үзгәрешләр кертелүе турында

«Россия Федерациясе Гражданлык кодексының беренче өлешенә үзгәрешләр кертү турында» 2023 елның 24 июлендәге 351-ФЗ номерлы федераль закон белән күчемсез мөлкәт милекчеләренең гомуми милкенә кагылышлы үзгәрешләр кертелде. Үзгәрешләр закон үз көченә кергән көннән соң барлыкка килгән хокук мөнәсәбәтләренә, ягъни 02.10.2023 башлап кулланыла.

Әйтик, Россия Федерациясе Гражданлык кодексының (алга таба – РФ ГК) 123.12 статьясына 2.1 пункт өстәлгән, ул күчемсез мөлкәт милекчеләре ширкәте үз милегенең иясе була, дип билгели.

РФ ГК 16 нчы «Гомуми мөлкәт бүлеге»ндә  №1 «Гомуми милек турында гомуми нигезләмәләр» һәм №2 «Күчемсез әйберләр милекчеләренең гомуми мөлкәте» дигән яңа параграфлар өстәлгән.

Өлешле милектә катнашучыларның һәрберсенең үз өлешенә туры китереп, гомуми милек буенча салымнар, җыемнар һәм башка түләүләр түләүдә, шулай ук аны карап тоту һәм саклау буенча чыгымнарда һәм сарыфларында катнашу бурычы каралган (РФ ГК 249 ст.).

Өстәмә рәвештә күчемсез милек хуҗаларының гомуми милеккә гомуми өлешле милек хокукын, шул исәптән гомуми өлешле милек төшенчәсен, гомуми милеккә гомуми милек хокукында өлешне билгеләү тәртибен көйләүче нормалар да кертелә (РФ ГК 259.1 һәм 259.2 статьялары). Гомуми милеккә ия булу, аннан файдалану һәм аның белән идарә итү нигезләре һәм тәртибе, шулай ук гомуми милекне карап тоту йөкләмәсе РФ ГК 259.3, 259.4 статьялары белән җайга салына.

РФ ГК 287.5 статьясының 1 пунктында билгеләнгәнчә, биналарның, машина урыннары милекчеләренә гомуми мөлкәткә гомуми милекчелек хокукындагы өлешләр тия (259.1 статьяның 1 пункты). Биналар, машина урыннары милекчеләренең гомуми ихтыяҗларын канәгатьләндерү өчен мөлкәтнең билгеләнеше бина яки корылма төзелгәндә билгеләнгән урнашу урыныннан һәм билгеләнешеннән, яки биналар, машина урыннары милекчеләренең гомуми мөлкәтне сатып алу, төзү яки булдыру турындагы карарында да билгеләнә ала. Статьяның 4 - 7 пунктлары үз көчен югалткан дип танылган.

РФ ГК 259.1 статьясының 1 һәм 2 пунктларында гомуми мөлкәт өчен билгеләнгән билгеләргә җавап бирүче мөлкәт федераль закон белән билгеләнгән тәртиптә күчемсез мөлкәт милекчеләренең гомуми өлешле милегенә күчә.