Гражданнар мөрәҗәгатьләрен карау турында
2020 елның 1 яртыеллыгында Алабуга зонасы торак инспекциясенә Алабуга, Әгерҗе, Мамадыш һәм Менделеевск муниципаль районнарында яшәүчеләрдән торак фондын карап тоту һәм ремонтлау, күрсәтелә торган торак-коммуналь хезмәтләрнең сыйфат мәсьәләләре буенча 181 мөрәҗәгать алынды, бу 2019 елның шул ук чорында Алабуга зонасы торак инспекциясенә кергән мөрәҗәгатьләр саныннан 30%ка кимрәк.
2020 елның 6 аенда Алабуга зонасы торак инспекциясенә Татарстан Республикасы башкарма хакимият органнарының Интернет-кабул итү системалары аша – 99, Татарстан Республикасы Дәүләт торак инспекциясе аша 82 мөрәҗәгать алынды, Алабуга зонасы торак инспекциясенә турыдан-туры 42 мөрәҗәгать килде. Торак-коммуналь хуҗалык мәсьәләләре буенча 40 кеше Алабуга зонасы торак инспекциясе җитәкчесе тарафыннан шәхсән кабул ителде.
Йортта уртак мөлкәтне карап тотуга бәйле мәсьәләләр гражданнарның мөрәҗәгатьләрендә төп тема булды (28%), коммуналь хезмәтләр күрсәтү сыйфаты (21%), торак-коммуналь хезмәтләр өчен түләүләр хисаплау мәсьәләсе (33%) дә алдынгы урыннарны алып тора.
2019 ел белән чагыштырганда, торак фондын карап тоту һәм ремонтлау мәсьәләләренә кагылышлы мөрәҗәгатьләр саны – 23%, күрсәтелә торган коммуналь хезмәтләрнең сыйфаты буенча – 15%, ТКХ өчен түләүләрнең нигезле булу-булмавына кагылышлылары 5% кимегән.
Гражданнарның мөрәҗәгатьләрен карау нәтиҗәләре буенча инспекция тарафыннан идарәче оешмалар адресына ачыкланган җитешсезлекләрне бетерү турында 86 күрсәтмә бирелде, административ хокук бозулар турында 35 беркетмә төзелде, аларны карап тикшерү нәтиҗәләре буенча 130 000 сумлык административ штрафлар салынды, күпфатирлы йортларның гомуми милкен карап тоту һәм ремонтлау өлешендә мәҗбүри таләпләрне бозуга юл куймау турында 209 кисәтү белдерелде. Гражданнардан алынган мөрәҗәгатьләрнең гомуми исәбендә 295се уңай хәл ителде, калганнарын карау Алабуга зонасы торак инспекциясе контролендә.
Алабуга зонасы торак инспекциясе тарафыннан дәүләт торак күзәтчелеген һәм ТКХ түләүләренең нигезле булуына карата лицензия контролен гамәлгә ашыру нәтиҗәләре буенча, 2020 елның ярты еллыгында халык файдасына 59 887,24 сум күләмендә яңа исәп-хисап ясалган (кайтарып бирелгән).