Төзелгән торак йортның җитешсезлекләре өчен җаваплылык турында
"Яшел Үзән ш. яшел шәһәр хуҗалыгы" муниципаль унитар предприятиесе "Татарстан Республикасының Баш инвестиция-төзелеш идарәсе" дәүләт казна учреждениесе, "Восход" җаваплылыгы чикләнгән җәмгыяте, "Татарстан Республикасы Президенты каршындагы Дәүләт торак фонды" коммерциясез оешмасы адресына Татарстан Республикасының Яшел Үзән районы, Свияжск авылы, Троицкая урамы буенча 2 санлы күпфатирлы торак йортта эксперт бәяләмәсендә күрсәтелгән төзелеш җитешсезлекләрен бетерү турында дәгъва белдереп, Татарстан Республикасы Арбитраж судына (№А65-22637/2016 эш) мөрәҗәгать итте.
Татарстан Республикасы Арбитраж судының 2017 елның 25 октябрендәге Унберенче арбитраж апелляция судының 2018 елның 30 гыйнварындагы карары белән үзгәрешсез калдырылган карары нигезендә "Татарстан Республикасы Президенты каршындагы Дәүләт торак фонды" коммерциясез оешмасы һәм "Восход" ҖЧҖ адресына белдерелгән шикаять таләпләре канәгатьләндерелде, суд, суд акты законлы көченә кергәннән соң дүрт ай дәвамында, күрсәтелгән торак йортта беренче инстанция суды карарының резолютив өлешендә санап үтелгән төзелеш-монтаж эшләре җитешсезлекләрен бетерү чараларын уздыруда уртак җаваплылык йөкләде.
Судларда билгеләнгәнчә, "Яшел Үзән ш. яшел шәһәр хуҗалыгы" МУП торак йортның идарәче оешмасы булып тора һәм аның тиешле лицензиясе бар.
Гарантия срогы эчендә торак йортны эксплуатацияләгәндә идарәче оешма башкарылган төзелеш-монтажлау эшләренең җитешсезлекләрен ачыклаган. Белдерелгән дәлилләрне, шул исәптәп экспертиза бәяләмәсен, тикшереп һәм бәяләп, судлар торак йортны нормаль эксплуатацияләүгә комачаулый торган төзелеш эшләре җитешсезлекләре булуы фактын билгеләде һәм белдерелгән таләпләрнең нигезле булуы нәтиҗәсенә килде.
Судлар Россия Федерациясе Граждан кодексының 309, 310, 723, 755 ст. таянып эш итте. Суд "Татарстан Республикасы Президенты каршындагы Дәүләт торак фонды" коммерциясез оешмасының фактта бер үк зат сыйфатында инвестор да, төзүче дә булып торуын таныды, шуңа күрә торак йортны сыйфатсыз төзегән өчен ул җаваплы була.
Инвестор-төзүчегә һәм подрядчыга төзелеш эшләрендәге җитешсезлекләрне бетерү йөкләмәсен биреп, судлар проект документларында да, төзелеш эшләрендә дә тигез дәрәҗәдәге җитешсезлекләр турында расланган эксперт тикшеренүе нәтиҗәләре булуына күрсәтте. Шул ук вакытта судлар, "Кулланучыларның хокукларын яклау турында" 1992 елның 07 февралендәге 2300-1 номерлы Россия Федерациясе Законы, Россия Федерациясе Шәһәр төзелеше кодексы (1 статьясының 16, 22 пунктлары, 52 статьясының 3 пункты), "Инвестиция эшчәнлеге турында" 1999 елның 25 февралендәге 39-ФЗ номерлы Федераль закон (4 ст.), Россия Федерациясе Граждан кодексы (322 ст.) нигезләмәләрен исәпкә алып, төзүченең һәм подрядчының үзләре төзегән торак йортның җитешсезлекләре буенча торак милекчеләре мәнфәгатьләрендә эш итүче идарәче оешма каршысында уртак җаваплы затлар булуыннан чыгып та эш итте.
РФ Торак кодексының 162 ст. нигезендә идарәче оешмалар торак йортның саклануын һәм тиешенчә эксплуатацияләнүен тәэмин итәргә, торак йорттагы төзелеш җитешсезлекләрен бетерү буенча дәгъваи-шикаять таләпләрен белдерергә тиеш һәм бурычлы.