Тәмәке тарту буенча административ хокук бозу эшләрен карау турында

Россия Федерациясенең Административ хокук бозулар турында кодексына 2013 елның 1 ноябреннән башлап дәүләт торак күзәтчелеге органнарына РФ КоАП 6.24 ст. 1 өлешендә (лифтларда һәм күпфатирлы йортларның гомуми файдаланыла торган урыннарында тәмәке тарту өлешендә) каралган хокук бозулар турындагы административ эшләрне карап тикшерүне йөкләү өлешендә кертелгән өстәмәләр нигезендә Түбән Кама зонасы торак инспекциясе 2016 елның 01 гыйнварыннан башлап 2016 елның 30 сентябренә кадәрге чорда РФ ЭЭМ Зәй һәм Түбән Кама районнарындагы ЭЭБ тарафыннан 6.24 ст. 1 өлеше буенча төзелгән 2137 административ материалны карап тикшерде, алардан Зәй МБ буенча – 198, Түбән Кама МБ буенча – 1939. ТКЗТИ башлыгы тарафыннан гомуми 1 066 300 сумлык административ штрафлар билгеләнү турында 2123 карар чыгарылды, хокук бозучылар тарафыннан 160 423 сумлык штрафлар түләнде. Законнарда билгеләнгән чорда (карар законлы көченә кергән көннән башлап 60 көн дәвамында) штрафларны түләмәгән өчен 1770 административ материал инспекция тарафыннан Зәй һәм Түбән Кама муниципаль районнарындагы Суд приставлары хезмәтләрне мәҗбүри үтәттерү өчен җибәрелде.