Татарстан Республикасы буенча торак пунктларның территорияләрен чистартуга карата тикшерүләр үткәрү хакында

Татарстан Республикасы Министрлар Кабинетының 2016 елның 21 мартындагы “Татарстан Республикасы буенча торак пунктларның территорияләрен чистартуга карата санитар-экологик икеайлык турында”     № 452-р әмернамәсе нигезендә, 2016 елның 01 апреленнән башлап торак пунктларның территорияләрен чистартуга карата үткәрелә торган экология икеайлыкка бәйле рәвештә Әлмәт зонасы торак инспекциясе тарафыннан тикшерүләр үткәрелә. Әлмәт шәһәренең Герцен урамы буенча № 80б һәм Сөләйманова урамы буенча №5 торак йортларның территорияләрен тикшерү барышында зур габаритлы чүп-чарның өелүе ачыкланды. Тикшерү нәтиҗәсендә РФ КоАП 7.22 ст. буенча, “Альянс-Плюс” ҖЧҖ һәм “ЖЭУ№7” ҖЧҖ идарәче компанияләренең вазифаи затларына гомуми 8000 сумлык штрафлар салынып, административ хокук бозулар турында 2 беркетмә төзелде. Ачыкланган җитешсезлекләр бетерелде.