Азнакай районы буенча планлы тикшерү үткәрү турында

Татарстан Республикасы прокуратурасы белән расланган еллык планлы тикшерүләр үткәрү планы нигезендә Азнакай муниципаль районында “Сельхозжилсервис” МУП карата планлы тикшерү үткәрелде.

План буенча, 2016 елның 1 мартыннан башлап, “Сельхозжилсервис” МУП буенча Азнакай районының авыл җирлегендәге, гомуми мәйданы 4003,8 квадрат метр булган 5 күпфатирлы торак йорт тикшерелде. Әлеге йортларда биналарның милекчеләренең уртак милеген тикшерү барышында РФ Төзелеш буенча федераль дәүләт агентлыгының 27.09.2003 №170 карары белән расланган Торак фондын техник эксплуатацияләү кагыйдәләре һәм нормалары бозылу очраклары ачыкланды, ә атап әйткәндә: җир асты катында йортларның тышчасында җимерек урыннар бар, гомуми файдаланыла торган урыннарда электр җайланмасыннан файдалану кагыйдәләре бозылган, фундамент күперчекләрендә кар ята, урыны-урыны белән чормага менә торган ишекләрдә йозак юк.

Ачыкланган җитешсезлек очракларының гомуми саны – 25. Тикшерү нәтиҗәләре буенча “Сельхозжилсервис” МУП карата 9 күрсәтмә бирелде. Вазифаи затына карата РФ КоАП 7.22 ст буенча, 4000 сум күләмендә штраф салынып, беркетмә төзелде. Күрсәтмәләрнең үтәлеше инспекция контрольлегендә.