Казанның В.И. Ленин исемендәге мәдәният йортында Халыкара өлкәннәр көненә багышланган “Еллар сезне беркайчан да картайтмасын” исемле бәйрәм булды.

Казанның В.И. Ленин исемендәге мәдәният йортында Халыкара өлкәннәр көненә багышланган “Еллар сезне беркайчан да картайтмасын” исемле бәйрәм булды. Бәйрәм тантанасында Авиатөзелеш һәм Яңа Савин районнарында яшәүче 500дән артык кеше катнашты, шулай ук ТР Дәүләт торак инспекциясе башлыгы Сергей Аркадьевич Крайнов булды.

Бәйрәмгә килүчеләрне белем бирү учреждениеләренең яшь армиячеләре, Яңа Савин районы ветераннарының “Родные напевы” һәм “Таң” вокал ансамбльләре каршы алды. Мәдәният сараенда райондагы җәмәгатьчелек оешмаларының күргәзмә-презентациясе, Авиатөзелеш районының Балалар сәнгать мәктәбендә укучыларның оркестр чыгышы, Авиатөзелеш районының Мәктәптән тыш эш үзәгенең “Свей” бию-спорт клубы солистлары катнашында ретро-программа оештырылган иде. Концерт залында исә балаларның иң яхшы иҗат коллективлары тарафыннан әзерләнгән бәйрәм концерты булды.