Татарстан Республикасы Дәүләт торак инспекциясе

Тәмәке тарту өчен административ хокук бозуларны карау турында

2014 елның 21 ноябре, җомга

Россия Федерациясенең Административ хокук бозулар турындагы кодексына кертелгән өстәмәләр нигезендә, 2013 елның 1 ноябреннән башлап торак фондыннан файдалануны һәм аны саклауны дәүләт контролендә тотучы органнарга РФ КоАП 6.24 ст. 1ө. каралган (лифтларда һәм күпфатирлы йортларның гомуми файдаланудагы урыннарында) административ хокук бозулар турында эшләрне карау йөкләнде. Күрсәтелгән урыннарда федераль закон белән билгеләнгән тәмәке тартуны тыю буенча таләпне бозу гражданнарга 500 сумнан алып 1000 сумга кадәр административ штраф салыну белән яный. 2013 елның 1 ноябреннән башлап 2014 елның 20 ноябренә кадәр Түбән Кама зонасы торак инспекциясе тарафыннан Зәй һәм Түбән Кама районнары буенча эчке эшләр бүлекләре 6.24 ст. 1ө. буенча төзегән барлыгы 442 административ эш каралган, аларның 88е – Зәй, 354се – Түбән Кама муниципаль берәмлеге буенча. ТКЗТИ башлыгы гомуми суммасы 209,5 мең сумлык административ штраф билгеләү турында 439 карар чыгарды. Ләкин, бозучылар тарафыннан нибары 29,0 мең сумлык кына штраф түләнгән. Законда каралган срокта (карар үз көченә кергән көннән соң 60 көн дәвамында) штраф түләмәгән өчен 246 административ материал инспекция тарафыннан Зәй һәм Түбән Кама муниципаль районнарының Суд приставлары хезмәтенә мәҗбүри үтәтү өчен җибәрелгән.

БАРЛЫК ЯҢАЛЫКЛАРНЫ УКУ