Тайгак ишегаллары, күгәрек һәм салкын: “Жилье” ИК халыкның шикаятьләрен игътибарсыз калдыра
Узган атнада Татарстан Торак инспекциясе “Жилье” идарәче компаниясенә мәҗбүри таләпләрне бозуларны булдырмау турында тугыз кисәтү ясады. Инспекторлар Түбән Камада яшәүчеләрнең шикаятьләре буенча тикшерүләр үткәрделәр һәм күп кенә проблемаларны ачыкладылар.
Инспекторларның игътибарын аеруча Химиклар проспекты җәлеп итте, аннан иң күп шикаятьләр килгән. 4, 6, 12, 12А, 14, 17 нче йортларда яшәүчеләр тайгак ишегалларына, газоннарда чистартылмаган карга һәм чүп-чар белән тулган контейнер мәйданчыкларына зарланды. Күрәсең, идарәче компания йорт яны территорияләренең санитар торышын тиешенчә контрольдә тотмый.
Яшьлек урамындагы 33 нче йортта тагын бер проблема ачыкланган: фатирларның берсендә диварлар туңган, бу исә күгәрек барлыкка килүгә китергән. Бу торак фондының тиешенчә каралмавы турында сөйли һәм ИКнең кичекмәстән тыкшынуын таләп итә.
Барлыгы 12 күпфатирлы йортта хокук бозулар ачыкланган. Моннан тыш, дүрт йортта озак вакыт кайнар су белән тәэмин итү хезмәте булмаган, бу кулланучылар хокукларын тупас бозу булып тора.
“Жилье” идарәче компаниясенә шулай ук Сөембикә урамындагы 9 нчы йортта кайнар суның норматив булмаган температурасы өчен 10 мең сум штраф салынган. Мөрәҗәгать итүченең фатирында су температурасы +55,4 градус кына тәшкил иткән, норматив +60 тан +75 градуска кадәр. ИК кичекмәстән температураны нормативка җиткерергә тиеш.
Хокук бозуларны бетерү инспекция контролендә.
Татарстан Торак инспекциясе матбугат хезмәте