"Паритет” уңайсыз хәлгә куйды: директорга өйдәге тәртипсезлек өчен штраф салынды
Яр Чаллыда Ш. Усманов урамындагы 58 нче йортта яшәүчеләр үзләренең “Паритет” идарәче компаниясенең эшсезлегенә юлыккан. Мөрәҗәгать буенча үткәрелгән тикшерү:
- 11 нче подъезд подвалында кайнар су белән тәэмин итү өзелү;
- 12 нче подъезд подвалында канализация су басу эзләре;
- су агызу системасында тутыгу һәм башка хокук бозулар.
Идарәче компания торак өлкәсендәге барлык законнарны һәм норматив-хокукый актларны диярлек бозуга юл куйган: Күпфатирлы йортлар белән идарә итү эшчәнлеген лицензияләү турында нигезләмә, Рәсәй Торак кодексы, гомумйорт мөлкәтен карап тоту кагыйдәләре, алар ИКне йортны тиешле хәлдә тотарга мәҗбүр итә. Мәсәлән, торак фондын техник эксплуатацияләү кагыйдәләренең һәм нормаларының 4.6.1.1 пункты, аерым алганда, идарәче компаниядән чорма, түбә һәм су агызу системасын төзек хәлдә тәэмин итүне таләп итә.
“Паритет” ИК генераль директоры РФ КоАП 14.1.3 маддәсенең 2 өлеше буенча административ хокук бозуда гаепле дип табылды һәм 50 мең сум штрафка тартылды.
Хокук бозуларны бетерү инспекция контролендә.
Татарстан Торак инспекциясе матбугат хезмәте