Түбә һәм җылылык белән проблемалар: Восход урамындагы 23 нче йортта яшәүче гаделлеккә ирешкән
Казанның Восход урамындагы 23 нче йортта яшәүче идарәче компаниянең эшсезлегеннән арыганлыктан, төбәк иҗтимагый кабул итү бүлмәсенә ярдәм сорап мөрәҗәгать иткән. “Бердәм Рәсәй” партиясенең Татарстан төбәк бүлеге секретаре Фәрит Мөхәммәтшин һәм республиканың Баш торак инспекторы Александр Тыгинның уртак кабул итүендә аның фатирындагы түбәдән һәм салкыннан шикаятьләре ишетелде.
Тикшерү пенсионер бәян иткән барлык фактларны да раслады: түбәсе тишек, стропиль системасы юеш, фатирда ике бүлмәдә температура +17,3 градус кына, җылылык ташучы +87 градус белән өйгә керә, бу нормадан шактый югары.
Тикшерү йомгаклары буенча “УК ЖКХ Московского района” ҖЧҖ Торак фондын эксплуатацияләү бүлегенең әйдәп баручы инженерына карата РФ КоАПның 7.23 маддәсенең 1 өлеше һәм 14.1.3 маддәсенең 2 өлеше буенча административ хокук бозулар турында ике эш кузгатылган. Аңа кисәтү рәвешендәге җәза билгеләнгән. Шулай ук барлык ачыкланган хокук бозуларны бетерү турында күрсәтмә бирелде.
Бу очрак идарәче компания үз бурычларын үтәмәгәндә кулларны төшермәскә һәм гаделлеккә ирешергә кирәклеген ачык күрсәтә.
Халыкның актив позициясе һәм төбәк иҗтимагый кабул итү бүлмәсе ярдәме белән проблема хәл ителәчәк, ә гаеплеләр җаваплылыкка тартылачак.
Татарстан Торак инспекциясе матбугат хезмәте