Татарстанда кар төшү аркасында төтен юллары зарарланган
Гадәти булмаган вакыйга Татарстанда берьюлы 10 йортка кагылды. Бер көн эчендә бина түбәләреннән кар төште, түбәндәге адреслар буенча төтен чыгару юлларының башлыкларын зарарланды:
- Казан: Белинский ур., №4А; Монтаж ур., №3; Индустриаль ур., №7; Социалистик ур., №3.
- Яшел Үзән: Украина ур., №21; Парат ур., №24.
- Биектау районында: Усады т.п., Студентлар ур., 8 нче йорт.
Буа районында Гагарин урамындагы 19, 21, 23 номерлы йортларда янәшә куелган вентиляция каналлары ишелде.
Инцидентлар нәтиҗәсендә халык газсыз калган.
Төтен чыгару юлларының башлыклары системаларның куркынычсыз һәм нәтиҗәле эшендә төп роль уйный. Алар төтен чыгаргычны атмосфера явым-төшемнәреннән, чүп-чардан, кошлардан һәм вак хайваннардан саклап кына калмый, ә бәлки тартуны көчәйтә торган һәм газларның кире агымын булдырмый торган аэродинамик эффект та тудыра. Башлыкларның зарарлануы җитди хокук бозуларга һәм хәтта куркыныч хәлләргә китерергә мөмкин.
Инспекция барлык хәлләрне ачыклау һәм зарарлануларны бетерү буенча чаралар күрү өчен килеп чыккан факт буенча тикшерү үткәрә.
Татарстан Торак инспекциясе матбугат хезмәте