Гадәттән тыш хәлләр
Газ чыгу, һаваның кире тартылуы, газүткәргечтәге су, зыян күрүчеләр һәм үлем очраклары – оператив хезмәтләр ике көн эчендә биш тапкыр урынга чыкканнар.
Әгерҗе районының Бима авылында Нагорная урамындагы шәхси секторда 1949 елгы хатын-кыз һәм 1968 елгы ир-ат мәетләре табылган. Ана белән улның үлеменә нәрсә сәбәп булганы хәзер ачыклана. Газ хезмәткәрләре фаҗигадән соң төтен чыгару торбасының газ казаныннан кузгалуын ачыклаганнар.
Калган очраклар республика башкаласында булган. М.Садыйков исемендәге 7 нче дәүләт клиник хастаханәсенә 2001 елда туган егет һәм 2004 елда туган кыз салынган. Хәлләренең начар булу сәбәбе – Бертуган Касыймовлар урамындагы 64 нче йортта һаваның кире тартылу күренеше.
Мусин урамындагы 49А йортында беркем дә зыян күрмәгән, ләкин шулай ук фатирда кире тарту аркасында 10 фатирлык стояк сүндерелгән.
Газ чыгып торуы аркасында Чкалов урамындагы 10 нчы йортта берничә фатир сүндерелгән. "Казаньгоргаз" ЭҖИ белгечләре газүткәргечнең герметик булуын ачыклаганнар.
Олег Кошевой урамындагы 14 нче йортта чираттагы йорт «профессионалы» газүткәргечне су белән тутырган. Исегезгә төшерәбез, гадәттән тыш хәлнең гаеплесенә ремонт өчен чыгымнарны капларга һәм законнарны бозган өчен штраф түләргә кирәк булачак.
Хокук бозуларны бетергәннән һәм фатирларда тикшерүләрдән соң барлык йортларда газ белән тәэмин итүне торгызачаклар.
Инспекция инцидентларның шартларын ачыклый, шулай ук идарәче компанияләр һәм газ хезмәте тарафыннан йөкләмәләр үтәлешен тикшерә.
Татарстан Торак инспекциясе матбугат хезмәте