Куркынычсыз су җылыткыч нәрсәсе белән куркыныч?
Массакүләм мәгълүмат чараларында казанлыларның электр су җылыткычларын массакүләм сатып алулары һәм урнаштырулары турында мәгълүмат очрый. Кайнар су булмаганда, бу – проблеманы хәл итү кебек. Әмма мондый җиһазларны урнаштыру бик куркыныч булырга мөмкин.
Чәйнек, каһвә кайнату, микродулкынлы мич, суыткыч, кер юу һәм савыт-саба юу машиналары – болар барысы да гадәти көнкүреш. Һәр фатирда иртән һәм кич болар барысы да кушыла, һәм челтәрләр зур йөкләнешкә дучар ителә. Әгәр һәр фатирда су җылыткычны да тоташтырсаң? Һәр йортта да щитоклар андый йөкне күтәрә алмаска мөмкин. Һәм эш хәтта капиталь ремонт булмауда да түгел, ә йортның проектында. Фатирсыз калу куркынычы зур.
РФ Хөкүмәтенең «Күпфатирлы йортларда һәм торак йортларда урыннар милекчеләренә һәм алардан файдаланучыларга коммуналь хезмәтләр күрсәтү турында» 354 номерлы карарының 35 пункты нигезендә кулланучы түбәндәгеләрне хокуклы түгел:
- п.а.: тоташтыру куәте йорт эчендәге инженерлык системаларының техник характеристикаларыннан чыгып, башкаручы тарафыннан исәпләнгән һәм кулланучылар игътибарына җиткерелгән максималь рөхсәт ителә торган йөкләнешләрдән артып киткән көнкүреш машиналарын (приборларны, җиһазларны) кулланырга;
- п.е.: кулланучының җиһазларын йорт эчендәге инженерлык системаларына яисә инженер-техник тәэмин итүнең үзәкләштерелгән челтәрләренә турыдан-туры яисә исәпкә алу приборларын урап узып, рөхсәтсез тоташтырырга, йорт эчендәге инженерлык системаларына үзгәрешләр кертергә.
Формаль яктан су җылыткыч урнаштыру үзгәртеп кору булып тора, чөнки инженерлык челтәрләрен, санитар-техник, электр яки башка җиһазларны урнаштыру, алмаштыру яки күчерү күздә тотыла. Болар барысы да фатирга техник паспортка үзгәрешләр кертүне таләп итә (РФ ТК 25 ст. 1 п.).
Бойлер – ул мөстәкыйль җиһаз, суүткәргечкә һәм канализациягә даими тоташтыруны таләп итә.
Су җылыткычларны куллану еш кына мондый җиһазлары булмаган күршеләр өчен проблемалар тудыра. Мәсәлән, су басымы кысыла. Сезнең краннан кайнар су бераз гына җылы килә торган очраклар булгалыймы? Көн саен түгел, әмма ешмы? Бәлки, сезнең стояк буенча күршеләрегезнең бойлеры дөрес куелмагандыр.
Һәм су җылыткычны дөрес урнаштырмау яки эксплуатацияләү янгынга сәбәп булырга мөмкин. Җинаять җаваплылыгы тотарга әзерсезме? Безгә шәрехләрдә языгыз: https://t.me/gji_rt.
Татарстан Торак инспекциясе матбугат хезмәте