Кыш 2025-2026: Әлмәт районының перспективалары
Әлмәт районы җылыту сезонына әзерлек срокларыннан бөтен юнәлешләр буенча да калыша. Мисал өчен, күпфатирлы йортларга капиталь ремонт ясауда. Быел 56 йортта эшләр планлаштырылган. Календарьда – 25 июль, ә 17 йортта подрядчылар әле эшкә керешмәгән. Моннан тыш, 23 йортта сезонлы эш төрләре буенча графиктан шактый калышу бар.
Сезонлы эшләр – фасадны, түбәләрне, җылыту системасын ремонтлау. Ягъни, һава торышы яхшы булганда, ремонтланырга тиешле нәрсәләрнең барысы да. Рәсми срок – 15 августка кадәр. Нәкъ 3 атна вакыт калды.
15 сентябрьгә кадәр республиканың барлык күпфатирлы йортларында капиталь ремонт төгәлләнергә тиеш. Район бөтен эшне дә төгәлләп бетерә алмаячак, дигән курку бар: артык зур күләм.
Инспекция «ТР Торак-коммуналь хуҗалыгы фонды» КО белән берлектә капиталь ремонт барышына мониторинг үткәрде. Тупас хокук бозулар аркасында 3 йортта эшләр туктатылды. Мәсәлән, Тимирязев урамындагы 2а йортта. Монда түбәдә иске өслек сүтелмәгән, вентиляция каналлары тикшерелмәгән.
Татарстанның Торак инспекциясе капиталь ремонт эшләренең барышына һәм административ йогынты чараларына контрольне көчәйтте.
Моннан тыш, ТКХ системасында Әлмәт районының 836 йортының 11ендә генә төтен юлларын тикшерү актлары урнаштырылган. Шул ук вакытта районда ачык яну камерасы булган газ җиһазлары белән 460 тан артык йорт бар.
Ачык яну камерасы булган газ җиһазлары – ул газ казаннары, аларда һава казан урнаштырылган бинадан алына, ә яну продуктлары табигый һава тартымы аша төтен юллыгына чыгарыла.
Әлмәтлеләр социаль челтәрләрдә аккаунтларын актив алып баралар, район пабликларында постлар урнаштыралар. Аларның хәбәрләре нигезендә инспекторлар аеруча проблемалы мәсьәләләрне ачыкладылар. Болар барысы да су белән бәйле: тәэмин итү һәм су агызу.
Район халкы еш кына коедагы суның басым дәрәҗәсенә, кайнар су белән тәэмин итүнең өзелүенә зарлана.
Әлмәт районында яшәүчеләргә мөрәҗәгать итәбез: җылылык җибәрүгә әзерлек сезонында нәрсә иң күп борчу тудыра? Безгә шәрехләрдә языгыз: https://t.me/gji_rt.
Татарстан Торак инспекциясе матбугат хезмәте