Бөгелмәлеләр, ДМС системасын тикшерегез
Бөгелмә районы Торак-коммуналь хуҗалык дәүләт мәгълүмат системасы федераль системасына мәгълүмат кертү буенча республиканың башка муниципалитетларыннан калыша. Республиканың Торак инспекциясе барысына да: башкарма комитетка, идарәче оешмаларга һәм хезмәт күрсәтүчеләргә дәгъва белдерә.
Башкарма комитет хосусый сектордагы һәм күпфатирлы йортларның кадастр номерларын, милекчеләрнең гомуми җыелышларын уздыруга техник әзерлек буенча, күпфатирлы йортларда инженерлык челтәрләре турында белешмәләрне һ.б. урнаштырмый яки хаталар белән урнаштыра.
Идарәчеләр һәм ресурслар белән тәэмин итүче оешмалар мәгълүмат кертү эшен башлап җибәрделәр: йортларның һәм андагы урыннарның кадастр номерлары, исәпкә алу приборлары, аларның күрсәткечләре, түләү документларын тикшерү сроклары һәм башкалар.
Идарәче компанияләр арасында «Луч», «Антей», «ЖЭУ-6», «Комфортная среда», «УЮТ-4» аерылып чыкты.
Хезмәт күрсәтүчеләр арасында – «Бөгелмә ҖЧП» һәм «Бугульма-Водоканал».
Торак фонды турындагы мәгълүмат федераль системага урнаштырылмаганлыктан, бөгелмәлеләр гомуми җыелышны нәтиҗәләргә шикләнмәслек итеп уздыру мөмкинлегеннән мәхрүм ителгән. Ягъни торак-коммуналь хуҗалык системасында үткәрә алмыйлар, булып чыга. Башка мөмкинлекләрдән дә файдалана алмаган кебек үк.
Татарстанның Торак инспекциясе федераль системада виртуаль шәхси кабинет ачарга һәм сезнең йорт һәм фатир турында мәгълүматлар базасына нинди мәгълүматлар кертелүен тикшерергә киңәш итә. Мәгълүмат саймы? Татарстанның Торак инспекциясенә хәбәр итегез.
Татарстан Торак инспекциясе матбугат хезмәте