Газ җайланмасын үз белдеге белән урнаштырган өчен татарстанлыларга салынган штраф күләме – 97 мең сум
Казанда үзбелдек гаебе белән чираттагы мәртәбә газ сүндерелгән: шланглар яңадан буталган, һәм газүткәргечкә су эләккән.
Краснококшайская урамындагы 166 нчы йортның беренче подъездында фатирларның берсендә яшәүче су җылыту колонкасын үзе урнаштырган. Авария хезмәте хезмәткәрләре йортны газдан өзгәннәр. Хокук бозуларны бетереп, барлык фатирларны тикшергәннән соң, газ белән тәэмин итүне торгызганнар. Гадәттән тыш хәлнең гаеплесе ачыклана.
Республикада бу инде 19 очрак, 12 «профессионал»га 97 мең сум штраф салынган.
Газ колонкасын мөстәкыйль алмаштыру тыела. Бу РФ Хөкүмәтенең 410 нчы карарында язылган.
Газ колонкасын махсус оешманы җәлеп итмичә үз белдеге белән алмаштырган өчен РФ КоАП 9.23 ст. буенча штраф каралган. Аның күләме гражданнар өчен – 5 меңнән 10 мең сумга кадәр.
Әгәр хокук бозу авариягә яки кешеләрнең гомеренә һәм сәламәтлегенә куркыныч белән янауга китерсә, штраф 50 меңнән 150 мең сумга кадәр арттырылырга мөмкин.
Моннан тыш, газ колонкасын үз белдеге белән алмаштырган өчен газ бирү туктатылырга мөмкин. Газны сүндерү һәм алга таба яңадан торгызу чыгымнары хуҗа хисабына булачак
ТР ДТИ матбугат хезмәте