Казанда газ белән тәэмин итү турында
Казанда фатирларда газүткәргечнең герметик булмавы белән бәйле ике очрак теркәлгән. Авария-диспетчерлык хезмәте Восход урамындагы 25 нче йортта һәм Краснококшай урамындагы 170 нче йортта газ белән тәэмин итүне туктаткан. Барлык фатирларда җиһазларны тикшергәннән соң, өйләргә «зәңгәр ягулык» кайтарылган.
Әмма газ хезмәткәрләренә сорау бар: беренче адрес буенча техник хезмәт күрсәтү вакыты беткән диярлек. Биредәге барлык фатирларны узган елның 6 июнендә йөреп чыкканнар.
Бүгенге көндә Казанда 2107 фатирда өлешчә газ белән тәэмин итү каралган. Газ белән җылыту колонкалары Казанның 48 йортында сүндерелгән. Әлегә кадәр Белинский урамындагы 41 нче йортта яшәүчеләр газ хезмәткәрләрен өйләренә кертми, шуңа күрә монда плитәләр дә сүндерелгән.
Инспекциягә тагын бер шикаять килде, һәм хәзер 58 мөрәҗәгать карала.
Исегезгә төшерәбез, газны сүндерү очраклары төтен юлларының һәм вентканалларның тиешенчә булмавына бәйле. Газ хезмәткәрләре мәгълүматларына караганда, быел Татарстанда исле газ белән агулануның 25 очрагы теркәлгән, шуларның 9ы үлемгә китергән. Төтен юллары һәм вентканалларның төзексезлеге буенча беренче билгеләр күренү белән хезмәт күрсәтүче оешмалар газ белән тәэмин итүне туктатырга тиеш
Татарстанның Торак инспекциясе Авиатөзелеш, Мәскәү һәм Киров районнарының идарәче компанияләренә карата тикшерүләр үткәрә. Нәтиҗәләр турында алдагы язмаларда хәбәр итәрбез.
Татарстан Торак инспекциясе матбугат хезмәте