Түбәнкамалыларга су өчен 530 мең сум кайтарылган

2025 елның 28 мае, чәршәмбе

Түбәнкамалыларга сыйфатсыз коммуналь хезмәтләр өчен 530 мең сумнан артык акча кайтарылган. 16 майдан 22 майга кадәр шәһәрдә торбаүткәргечләрдә 16 авария очрагы булган, 13 очракта аварияләрне бетерү срогы бозылган.  Шуңа күрә шәһәр халкына торак-коммуналь хезмәтләр өчен артык исәпләнгән түләүләр яңадан исәпләнгән (кире кайтарылган).

Исегезгә төшерәбез, су бирүне туктатып торуның рөхсәт ителгән дәвамлылыгы 1 ай дәвамында 8 сәгать (суммар рәвештә) һәм берьюлы 4 сәгать тәшкил итә, ә кайнар су белән тәэмин итүнең тупик магистралендә авария булганда – 24 сәгать рәттән.

Татарстан Торак инспекциясе матбугат хезмәте