Торак милекчеләре ширкәте әгъзалары игътибарына: сезнең йортыгыз исемлектә бармы?

2025 елның 27 мае, сишәмбе

Казан торак милекчеләре ширкәтләре закон таләпләрен санга сукмый: үз уставларын яшерә. Бүгенге көнгә республиканың 1005 ТМШ/ТТК 18 се торак-коммуналь хуҗалык системасына уставларын урнаштырмаган. 

Россия Конституциясе – илнең төп законы, ул дәүләтнең төп принципларын, гражданнарның хокукларын һәм ирекләрен, хакимият системасын билгели. Шулай итеп, ширкәт Уставы да барлык милекчеләрнең уртак көнкүреш тәртибен билгеләргә тиеш.

Устав – ул гамәлгә кую документы, аның нигезендә ширкәт төзелә һәм эшли.

Россия Торак кодексының 135 ст. 2 пункты нигезендә, торак милекчеләре ширкәтенең уставы гомуми җыелышта күпфатирлы йорттагы урыннар милекчеләренең гомуми саныннан күпчелек тавыш белән кабул ителә.

Татарстан башкаласы – республикада ТКХ ДМС мәгълүмат кертү буенча ширкәтләр йөкләмәләрен игътибарсыз калдырган бердәнбер шәһәр.

«Нагорная 26» торак милекчеләре ширкәте, «Флагман» торак милекчеләре ширкәте, «Вузовец» торак милекчеләре ширкәте - барлыгы 22 күпфатирлы йорт, алар белән 18 ширкәт идарә итә, гамәлдәге уставлар турында мәгълүматны урнаштырмаганнар.  Исемлек кушымтада бирелә, анда үз йортыгыз бармы-юкмы икәнен тикшерегез.

Бу ни өчен мөһим? Урнаштырылган уставтан башка йорт турында башка мәгълүматларны да кертү, подъездлар һәм системага бүлмәләр өстәү мөмкин түгел. Шулай ук милекчеләр өчен файдалы мәгълүмат: индивидуаль исәпкә алу приборлары турында белешмәләр, аларның күрсәткечләре, түләү документлары. Почта тартмасына кәгазь документ салсалар, бер эш, аларны берничә төрле итеп бастырып чыгарырга мөмкин. Әмма торак-коммуналь хуҗалык системасында мәгълүмат – төп. Әгәр устав юк икән, милекчеләр аларның күрсәтмәләрен системага кертүләрен тикшерә алмаячак. Һәм, димәк, түләү документындагы саннар төгәл микән, анысын да ачыклый алмаячаклар.

ТКХ ДМС системасына мәгълүмат урнаштырмаган Казан шәһәре ТМШ/ТТК/күчемсез мөлкәт милекчеләре ширкәтләре идарәсендә булган күпфатирлы йортларның тулы исемлеге:

 

- «ВОСТОК» ТТК,

- «БЕРТУГАН КАСЫЙМОВЛАР УРАМЫ, 21» ТМШ,

- «СТИЛЬ» ТМШ,

- «НОВЫЙ ВЕК» ТМШ,

- «ЗАРЯ-6» ТМШ,

- «Заслонова-3» ТМШ,

- «РЯБИНОВЫЙ» КҮЧЕМСЕЗ МӨЛКӘТ МИЛЕКЧЕЛӘРЕ ШИРКӘТЕ,

- «КАВИ НӘҖМИ 10» КҮЧЕМСЕЗ МӨЛКӘТ МИЛЕКЧЕЛӘРЕ ШИРКӘТЕ,

- «ЦЕНТРАЛЬНОЕ» ТМШ,

- «ЛУКИНА 18» ТМШ,

- «ВЕСНА-47» ТТК,

- «ВАТАН» ТМШ,

- «ЗОРГЕ-30А» ТМШ,

- «ПРОГРЕСС-1» ТМШ,

- «ДРУЖНЫЙ» ТМШ,

- «НАШ ДОМ-4» ТМШ,

- «ФЛАГМАН» ТМШ,

- «ВУЗОВЕЦ» ТМШ.

 

Татарстан Торак инспекциясе матбугат хезмәте

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International