Максат: башкарылган эшләрнең барысын да саклап калу
Бүген Татарстан Торак инспекциясендә йорт ишегалларындагы балалар уен мәйданчыкларының куркынычсызлыгы турында фикер алыштылар. Беренче киңәшмәгә «Шәһәрләрне үстерү институты» фонды департаменты җитәкчесе, башкарма комитетлар вәкилләре һәм 42 идарәче компания җитәкчеләре чакырылды. Муниципаль районнардан катнашучылар видеоконференцэлемтә аша кушылдылар.
«Безнең ишегалды» программасы буенча ремонтның яңа сезоны башланды. Тагын йөзләгән йорт яны территорияләрен яңартачаклар: юллар, тротуарлар, парковкалар, спорт һәм уен мәйданчыклары төзиячәкләр, эскәмияләр, чүп савытларын куячаклар – ишегалдында уңайлы ял итү өчен кирәкле бөтен нәрсә булачак.
Катнашучыларның һәркайсы – ата-ана, шуңа күрә үзен баласы өчен борчылучы теләсә кайсы ана урынына куеп карый ала һәм тиеш тә. Уен вакытында мәйданчыкта җәрәхәтләр алуга юл куярга ярамый.
Яңартылган территорияләрнең сакланышын тәэмин итү – идарәче компанияләрнең бурычы. Торакларны карап тотучылар кече архитектура формаларының һәм балалар мәйданчыкларының куркынычсызлыгына аерым игътибар бирергә тиеш. Аларны даими карарга кирәк, ватылу белән төзәтергә.
Идарәче компанияләр вәкилләре кече архитектура формаларына һәм балалар мәйданчыкларына хезмәт күрсәтү вакытында килеп туган проблемалар турында сөйләделәр. Барысы бергә аларны хәл итү вариантлары турында фикер алыштылар. Барысына да өй эше бирелде: тәкъдимнәр эшләү, киләсе очрашуда бергәләп фикер алышачаклар һәм оптималь вариантлар сайлаячаклар.
Исегезгә төшерәбез, ел саен республика бюджетыннан Татарстан Республикасы Рәисенең «Безнең ишегалды» программасын гамәлгә ашыруга 10 млрд.сум бүлеп бирелә. 5000 йорт төзекләндерелгән инде.
Татарстан Торак инспекциясе матбугат хезмәте