Казан ИК директорына 50 мең сум штраф салынды
Чормада кош тизәге, подвалда чи грунт: Казанның Г.Бәширов урамындагы 3 нче йортта хокук бозулар ачыкланды. Торак инспекторлары шикаять буенча урынга чыктылар.
Торак фондын техник эксплуатацияләү кагыйдәләрен һәм нормаларын бозу фактлары күз уңында: подъезддагы стеналарда ярыклар, кайбер катларда буяу өслеге генә түгел, штукатурка да купкан, идән плитәләре ватык һ.б.
«УО «БЕРЕГ» ҖЧҖ директоры Административ хокук бозулар турында РФ кодексының 14.1.1 ст. 2 өлеше буенча бер елда өченче тапкыр гаепле дип табылды, моның өчен аңа 50 мең сум күләмендә штраф билгеләнде.
Хәзер Татарстанның Торак инспекциясе Татарстанның башка идарәче компаниясе директорына карата дисквалификацияләүгә материаллар әзерли. Дәвамы рецидивистлар – торак законнарын бозучылар турындагы алдагы язмаларда булачак.
Татарстан Торак инспекциясе матбугат хезмәте