Кәләйдә ташланган әйберләр
«Урамда яңгыр – фатирда яңгыр»,- ди Әлмәт районында яшәүче хатын, кычкырмый гына. Баш дәүләт торак инспекторының Әлмәт шәһәрендә урынга чыгып кабул итүе турында язып та өлгермәдек,
күпләп шалтырата башладылар. Кәләй тимер юл станциясе бистәсенең Гагарин урамындагы 46 нчы йорттан да шалтыраттылар. «1958 елгы йорт, беркайчан да капиталь ремонт булмады, түбәсе ага. Барысы да программага кертергә вәгъдә итә», - дип сөйләде бу йортта яшәүче хатын.
Бу йорт, һәм шул ук урамда тагын 10 ташландык йорт белән беркем дә идарә итми. Идарә итү формаларының берсе дә юк. Йортлар зур булмаганлыктан, фатирлар аз булганлыктан, закон буенча турыдан-туры идарәне сайларга мөмкин. Өйдә нәрсәдер эшләргә кирәк, күршеләр җыелганнар һәм эш фронтын билгеләп, кемгә ышана алачакларын ачыклаганнар. Торак милекчеләре ширкәте һәм идарәче компанияләр – юридик затлар, теркәргә кирәк.
Кәләй тимер юл станциясе поселогында 11 ике катлы йорты милекчеләре, алар фикеренчә, иң гадиен – турыдан-туры идарә итүне сайлаганнар. Өстенлекләре: коммуналь хезмәтләр күрсәтүчеләр белән турыдан-туры килешүләр. Ут, су һәм җылылык өчен арадашчыларсыз берьюлы тәэмин итүчеләргә түләү. Җыелышларның беркетмәләре Татарстанның Торак инспекциясенә алынды. Әмма милекчеләрнең кабул ителгән карарын исәпкә алып, идарә итү ысулы тормышка ашырылмаган, чөнки Торак инспекциясендә реаль төзелгән турыдан-туры шартнамәләр, шулай ук гомуми мөлкәтне тоту һәм агымдагы ремонт ясау шартнамәләре турында мәгълүмат юк.
Бәлки, күршеләрнең берсе дә үз өстенә җаваплылык алырга теләмәгәнгәдер. 12 фатирлы йортта барлык милекчеләр исеменнән килешүләр төзергә риза булган кешене табуы кыен, һөнәри белем һәм күнекмәләр юк, яшәүчеләргә, хәтта дистә еллар буе гаиләләре белән дус булсалар да, уртак милекне карап тоту һәм ремонтлау буенча подрядчылар табуы кыен.
5 ел үткән. Юридик статус буенча вәзгыять үзгәрмәгән, ә менә идарәсез йортлар тагын да искерә төшкән.
2020 елдан башлап республиканың Торак инспекциясе район башкарма комитетына идарәче компанияне сайлау буенча конкурс үткәрү кирәклеге турында берничә тапкыр хатлар юллады. Ә әлегә конкурс бара икән, Башкарма комитет вакытлыча идарәне билгеләргә тиеш. Хәтта башкарма комитет адресына кисәтү дә белдерелде.
Агымдагы ремонтны үткәрергә, йортны җылыту чорына әзерләргә, инженерлык челтәрләрен эш хәлендә тотарга кеше юк. Күршедәге
№ 47, 53, 55 йортлар капиталь ремонт буенча республика программасына кертелгән. Миллионнар салынган. Бүген балконнарның, фасадның, цокольнең кирпеч өеме җимерелгән, отмостка газонга әверелгән.
Әмма башка йортларны да ремонтларга кирәк. Республика һәм муниципаль бюджетлар финанслыйлар. Яңартылган йортларда тәртипне кем саклаячак? Йортны җылылык җибәрүгә кем әзерли? Әлегә җаваплар юк.
Татарстан Торак инспекциясе матбугат хезмәте