ТКХ көне: Түбән Камада семинар узачак
30 майда Түбән Кама шәһәре Татарстанда торак-коммуналь хуҗалык өлкәсендәге актуаль проблемаларны һәм гамәли бурычларны хәл итү буенча фикер алышу платформасы булачак. «Әйбәт» идарәче компаниясе базасында республика семинары узачак, анда торак-коммуналь хуҗалык өлкәсендә әйдәп баручы белгечләр, дәүләт хакимияте органнары вәкилләре, идарәчеләр һәм ресурслар белән тәэмин итүче оешмалар җитәкчеләре очрашачак. Дәүләт Думасы депутатлары чакырылган.
Оештыручылар – Татарстанның Торак инспекциясе һәм Түбән Кама муниципаль районы администрациясе.
Республика семинарының көн тәртибендә:
- цифрлы трансформация («Әйбәт» мобиль кушымтасын презентацияләү, халык мөрәҗәгатьләрен диспетчерлаштыру);
- ТКХ ДМС үзенчәлекләре (системаларда урыннарның кадастр номерлары булмау, ТФМ ДМС республика системасының ТКХ ДМС белән интеграциясе);
- Түбән Кама шәһәрендә «Безнең ишегалды» программасын үтәү үзенчәлекләре, ишегалды территориясен төзекләндерүгә комплекслы якын килү;
- күпфатирлы йортларга капиталь ремонт ясау программасын гамәлгә ашыруның барышы һәм проблемалары.
Семинарның үзенчәлеге – докладлардан башка, турыдан-туры торак-коммуналь хуҗалык өлкәсе белгечләре тарафыннан әзерләнгән фикер алышулар гына, бу тәкъдимнәрнең һәм карарларның гамәли әһәмиятен арттыра. Катнашучылар үз эшләрен гамәлгә кертү өчен иң яхшы тәҗрибәләрне үзләштерә алачак.
Татарстан Торак инспекциясе матбугат хезмәте