Бары тик табигый газ белән агулану гына…
Казанлылар өч ай кайнар сусыз яши: су җылыту колонкасына газүткәргеч ябылган. Идарәче компаниягә һәм газ хезмәткәрләренә мөрәҗәгатьләр ярдәм итмәгән. Ибраһимов проспектындагы 67 нче йортта яшәүчеләр ярдәм сорап күзәтчелек органына мөрәҗәгать иттеләр.
Милекчеләр Татарстанның баш дәүләт торак инспекторы Александр Тыгинга шәхси кабул итүгә килделәр.
«Безгә, төтен юллыгы җимерелгән, диделәр. Ләкин безгә бернинди дәлилләр дә күрсәтмәделәр! Һәм ни өчен февральдән бирле бу төтен юллыгы ремонтламаган? Ни өчен идарәче компания һава кертү клапаннарын урнаштыруны таләп итә?» – дип сорадылар мөрәҗәгать итүчеләр.
Шулай ук алар өйдә исле газ белән агулану очрагы булганын да хәбәр иткәннәр. Ләкин моңа ышанмаганнар. Гади табигый газ белән агулану булгандыр дип ышаналар, ләкин исле газ буларак теркәлгән.
«Фатирда тәрәзәләр нинди?» дигән сорауга «пластик» дип җавап бирделәр. Ә бу сорау нигә кирәк?
Милекчеләр, үзләре дә сизмәстән, йорт проектына тыкшыналар: агач тәрәзәләр урынына герметик пластик тәрәзәләр урнаштыралар. Һәм хәзер табигый һава агымын торгызырга кирәк. Бүлмәгә һава клапан аша керә. Алар төрле, милекчеләр үзләре сайлыйлар.
Гариза бирүчеләр идарәче компания хезмәткәрләрен алар өстәмә рәвештә клапаннар урнаштыруда акча эшләргә телиләр дип шикләнәләр. Тәрәзә клапаннарын милекчеләр мөстәкыйль рәвештә дә урнаштыра ала. Ләкин аларны диварга куйсаң, моны бары тик махсуслаштырылган оешмалар гына эшли ала. Хезмәт күрсәтүгә килешүне милекчеләрнең гомуми җыелышы карары нигезендә идарәче компания төзиячәк. Нинди клапаннар – тәрәзәгәме, әллә стенагамы – профильле оешмалар гына билгели ала. Бинаның күләмен исәпкә алырга кирәк.
«Гади табигый газ» белән агулануга килгәндә: ул да исле газ кебек үк куркыныч. Бинада табигый газның югары концентрациясе кислород җитмәүгә китерә, моннан тыш, ул янгын һәм шартлау куркынычы белән дә яный. «Исле газ белән агулану» диагнозы кирәкле тикшеренүләрдән соң гына теркәлә.
Мөрәҗәгать итүчеләрнең вәзгыятен Торак инспекторлары тикшерә, тикшерү үткәрә. Төтен чыгару юллыкларының җимерелүенә юл куйган хокук бозуларны ачыклаячаклар һәм җаваплылыкка тартачаклар.
Татарстан Торак инспекциясе матбугат хезмәте