Махсус счет хуҗалары нәрсәне яшерә?
Татарстан Торак инспекциясе таләбен игътибарсыз калдырсалар, махсус счетларның хуҗалары белән сөйләшү судта булачак. Алардан милекчеләрнең капиталь ремонтка кертемнәре җыела торган счетларның торышы турында мәгълүмат көтелә.
Татарстан Торак инспекциясендә ТКХ ДМС системасының мәгълүмат базасына махсус счетлар буенча анализ ясалды. Күп кенә йортларның счетларында йә исәпләнгән кертемнәрнең 60% ы гына, яисә мәгълүмат бөтенләй юк.
Хәзер 100 йортка зур игътибар: 3се – Питрәч, 2се – Зеленодолск, 1се – Биектау, калганнары – Казанда. Идарәче компанияләрдә – ундүрт счет, калганнары – ТМШ, ТТК һәм күчемсез мөлкәт ширкәтләрендә.
Әгәр акчаларның җыелу күләме исәпләнгән акчаның 60% кимрәк булса, хәбәр алынганнан соң 5 айдан да соңга калмыйча, махсус счет хуҗасына, барлыкка килгән бурычны түләп бетерүне таләп итеп, кисәтү җибәрелә. Әйтик, йортта яшәүчеләргә 100 мең сум акча түләргә кирәк дип исәпләнгән ди, ә счетка барлыгы 40 мең сум гына күчкән, ди. Бурычны түләү турындагы шунда ук таләп җибәрәбез.
Әгәр проблеманы хәл итеп булмаса, Татарстанның Торак инспекциясе башкарма комитет катнашында мондый йортны төбәк операторына «гомуми казна»га күчерәчәк. Мөгаен, шуңа күрә күп кенә махсус счет хуҗалары җыемнарны афишаларга теләми. Җыелган сумманың күләмен яшерәләр. Махсус счет хуҗалары һәр ай саен 10 нчы числога кадәр Татарстан торак инспекциясенә җыемнар буенча барлык мәгълүматларны хәбәр итәргә тиеш.
Әгәр махсус счет хуҗалары кисәтүләрне игътибарсыз калдырса, материаллар судка җибәреләчәк.
ТР ДТИ матбугат хезмәте