Менделеевскида парадоксаль хәл: күчмә кабул итүләр нәтиҗәсе
Алабуга һәм Менделеевск шәһәрләрендә республиканың Торак инспекциясе башлыгы урынбасарлары Елена Арефьева һәм Наталья Воронская тарафыннан күчмә кабул итү уздырылды.
Алабуга шәһәрендә кабул итүгә Тынычлык проспекты буенча 14 нче йортта яшәүче хатын язылган иде. Берничә ел түшәмдәге юеш таптан һәм кара күгәректән котыла алмый. Барлык шикаятьләргә идарәче компания түбә бербөтен, су үтә алмый, дип җавап бирә. Шуңа да карамастан, һәр яз саен түшәм – юеш.
Менделеевск шәһәрендә Октябрь урамындагы 14 нче йорттагы өч фатирны тикшерделәр. Нәтиҗә: вентиляция юк. Милекчеләрнең документларына караганда, монда газ җиһазларына техник хезмәт күрсәтү 3 ел элек башкарылган. Ә бер фатирда берничек тә булырга тиеш булмаган нәрсәне күрделәр: бөтен йортны җылылык һәм су белән тәэмин итү системаларына люк урнашкан.
Инженерлык системалары фатирда ни рәвешле барлыкка килгән? Әгәр торба шартласа? Әгәр өйдә беркем дә булмаса, әлбәттә, бу яшәүчеләрне коткарачак. Әмма аварияне бетерү өчен керү мөмкинлеге кирәк. Милекчеләр рөхсәтеннән башка фатирга кереп булмый.
Һәрбер мөрәҗәгать буенча тикшерү узачак. Вәзгыять – республиканың Торак инспекциясе контролендә. Күчмә кабул итүләр практикасы дәвам итәчәк.
Исегезгә төшерәбез, барлык район Торак инспекцияләрендә кабул итү һәр сишәмбе үткәрелә. Сайтта кабул итүгә ничек язылырга кирәклеге турында мәгълүмат урнаштырылган.
Татарстан Торак инспекциясе матбугат хезмәте