Казан "ятимнәре": идарәсез калган күпфатирлы йорт
Идарә ителми торган күпфатирлы йорт. Бу мөмкин хәлме? Юк, ләкин факт: республикада 6 йорт беркемнең дә идарәсеннән башка гына "яши". Мәсәлән, Казан шәһәренең Достоевский урамындагы 66/17 нче йорт. Анда подъездларда идәннәрне юмыйлар, ишегалдын себермиләр, ремонтламыйлар. Кеше юк. Һәм йорт 2023 елдан бирле әкренләп җимерелә бара.
Аның каравы торак һәм коммуналь хезмәтләр өчен түләргә туры килми. Су, электр, җылылык – барлык уңайлыклардан файдаланалар. Тик менә хезмәт күрсәтүчеләр счетларын турыдан-туры милекчеләргә күрсәтә алмыйлар. Ләкин сөенер урын юк – счет бар һәм ул шактый, димәк, берәр вакыт барысы өчен дә түләргә туры киләчәк. Яшәүчеләр моны аңлый, ләкин берни дә эшли алмыйлар.
Чөнки милекчеләр гомуми җыелышта бергә җыела алмаганнар һәм идарә итү ысулын да, идарәче компанияне дә сайламаганнар. Хәзер алар өчен башкала башкарма комитеты карар итәчәк: конкурс үткәреләчәк, кайсы компания отса, шул өй белән идарә итәргә киләчәк.
Шушы көннәрдә йорт халкы республиканың Торак инспекциясенә кабул итүгә килделәр. Сораулар күп: кайнар су проблемалары, капиталь ремонт кирәк…
Инспекция 2023 елда ук Казан шәһәре башкарма комитетына идарәче компанияне сайларга кирәк дип хат җибәргән иде. Калган биш йортның милекчеләренә дә ашыгыч рәвештә карар кабул итәргә кирәк. Әлегә үз мөлкәтеңне кемгә ышанып тапшырырга икәнен үзең хәл итәргә мөмкинлек бар.
Татарстан Торак инспекциясе матбугат хезмәте