Бер көн эчендә 2 тапкыр 50шәр: «ЖКХ Дербышки» ИК директоры янә штрафка тартылды
«ЖКХ Дербышки» ИК ҖЧҖ территориясендә берьюлы ике административ хокук бозу очрагы теркәлде. Беренче очракта яшәүче соравына бик озак җавап биргәннәр, икенчесендә – йортны карап тоту мәсьәләсе.
Халезов урамындагы 34 нче йортта бер фатир хуҗасы идарәче компаниягә җылылык буенча гомумйорт исәпләү приборының күрсәткечләре турында гариза белән мөрәҗәгать иткән. Гариза бирүчегә җавапны бер ай узгач җибәргәннәр. Закон нигезендә, идарәче компанияләр, ширкәтләр һәм кооперативлар түләүгә кагылышлы сорауларга җавапларны өч эш көненнән дә соңга калмыйча бирергә тиеш.
Тынычлык урамындагы 35 нче йорттан гомумйорт милкенең ташландык хәлдә булуына шикаять килде. Барысы да яңартуга мохтаҗ: тәрәзә рамнарын, баскыч шакмакларының стеналарын һәм түшәмнәрен буярга кирәк, электр щитлары һәм почта тартмалары искергән.
Моның инде кабатлана торган хокук бозулар булуын исәпкә алып, ИК генераль директоры гаепле дип табылды һәм һәр очрак буенча 50 мең сум штрафка тартылды.
Татарстан Торак инспекциясе матбугат хезмәте