Тәүлек эчендә газ белән тәэмин итү объектларында булган хәлләр турында
Башкалада 34 нче Хәрби шәһәрчекнең 381 нче йортында газ белән тәэмин итү туктатылган. Сәбәпчесе - Вахитов һәм Идел буе районнары администрациясе. Соңгы тапкыр газ плитәләренә һәм су җылыту колонкаларына техник хезмәт күрсәтү узган ел ахырында үткәрелгән булган.
Киров районының ике йортында «Газжилсервис» ҖЧҖ хаты нигезендә газ белән тәэмин итүне туктатканнар: төтен юллыкларында проблемалар ачыкланган. Тикшерүләр узгач һәм төтен юллыкларының эш торышы турында барлык документларны да алганнан соң, 2 нче Юго-Западная урамы буенча 31 нче йортта һәм Батыршин урамындагы 22 нче йортта "зәңгәр ягулык" торгызылган.
Исегезгә төшерәбез, быел техник хезмәт күрсәтү өчен газ хезмәткәрләрен фатирларга кертмәгән өчен 456 мең сумлык 70 штраф салынды. Техник хезмәт күрсәтү өчен килешү төзүдән тайпылган өчен 8 кешегә 35 мең сумлык штраф салынды, һәм 12 кеше газ җиһазларын үз белдеге белән алмаштырган өчен 97 мең сумлык штраф алды.
ТР Дәүләт торак инспекциясе матбугат хезмәте