Шәхси балконда гомуми газүткәргеч
Зәйлеләр үзләрен һәм балаларын куркыныч астына куялар – янкормалар төзиләр, балконнарны пыяла белән каплыйлар, ә гомумйорт газүткәргече эчтә кала. «17 подъезд» торак милекчеләре ширкәте әгъзалары закон бозган: Җиңү проспектындагы 1/09 йортның фасады капиталь ремонт буенча республика программасы кысаларында ремонтлана.
Тикшерү барышында инспекторлар янкормалы 23 балконны ачыкладылар, алар аша газүткәргеч уза. Махсуслаштырылган оешма хезмәткәрләренә техник хезмәт күрсәтү мөмкинлеге юк. Нәтиҗәдә ул тиешенчә үткәрелми.
Фаҗига очрагында кем җавап бирәчәк? Газ хезмәткәрләре, торак милекчеләре ширкәте идарәсе әгъзалары, милекчеләр. Һәм үзлектән төзелгән корылмаларга хокук биргән имзаларның хуҗалары – вазыйфаи затлар – яшерен газүткәргечле балконнарның бер өлеше законлаштырылган.
«Газ бүлү системалары» кагыйдәләре җыелмасы нигезендә биналар һәм корылмалар фундаментлары, лоджияләр һәм балконнар аша газүткәргечләр салу рөхсәт ителми. Ә Зәйдә яшәүчеләр төзегән, идарә рөхсәт иткән, түрә рөхсәтне имзалаган. Газ хезмәткәрләре нинди чаралар күргән? Барысы да гадәттән тыш хәл очрагында җинаять җаваплылыгы тотарга әзерме?
Татарстанның Торак инспекциясе «17 подъезд» торак милекчеләре ширкәтенә мәҗбүри таләпләрне бозуны булдырмау турында кисәтү белдерде. Дәвамы булачак.
Татарстан Торак инспекциясе матбугат хезмәте